ഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചുഐടി രംഗത്ത് അരലക്ഷത്തോളം പുതിയ തൊഴിലവസരങ്ങൾ ഒരുങ്ങുന്നുഅടുത്ത 4 വർഷത്തിനുള്ളിൽ എസി വിൽപന ഇരട്ടിയായേക്കും

സൗദി അരാംകോയുടെ 12 ബില്യൺ യുഎസ് ഡോളറിന്റെ ഓഹരി വിൽപ്പന പൂർത്തിയായത് മിനിറ്റുകൾക്കുള്ളിൽ

ലോകത്തെ ഏറ്റവും ലാഭകരമായ കമ്പനികളിൽ ഒന്നാണ് സൗദി അരാംകോ എന്ന നിസംശയം പറയാൻ സാധിക്കും. സൗദിയിലെ എണ്ണപ്പാടങ്ങളുടെ കൂട്ടായ്മയാണ് അരാംകോ എന്ന ലേബലിന് കീഴിൽ ഒളിച്ചിരിക്കുന്നത്.

എണ്ണയിതര വരുമാനം വർധിപ്പിക്കുക, പോർട്ട്‌ഫോളിയോ വൈവിധ്യ വൽക്കരിക്കുക എന്നിങ്ങനെയുള്ള ബൃഹത് ലക്ഷ്യങ്ങൾക്കു വേണ്ടിയാണ് സൗദി സർക്കാർ അരാംകോയുടെ കൂടുതൽ ഓഹരികൾ വിപണിയിൽ എത്തിക്കാൻ തീരുമാനിച്ചത്.

കഴിഞ്ഞയാഴ്ചയായിരുന്നു കമ്പനി തങ്ങളുടെ ഓഹരി വിൽപ്പനയെ പറ്റിയുള്ള വിവരം അറിയിച്ചത്. ഇക്കഴിഞ്ഞ ഞായറാഴ്ച ഓഹരി വിൽഎപ്പന നടന്നുവെന്നാണ് വിവരം.

ഡീൽ ആരംഭിച്ചു മിനിറ്റുകൾക്കുള്ളിൽ 12 ബില്യൺ യുഎസ് ഡോളറിന്റെ ഓഹരി വിൽപ്പന പൂർത്തിയായെന്നാണ് റിപ്പോർട്ട്. 26.70- 29 റിയാൽ ഓഹരി വിലയിൽ സൗദി അരാംകോയുടെ 0.64 ശതമാനം ഓഹരികളാണ് വിറ്റഴിച്ചത്.

ഓഹരികൾ വാങ്ങിയവർ വരാനിരിക്കുന്ന 124 ബില്യൺ ഡോളറിന്റെ വാർഷിക പണമടയ്ക്കലിലാണ് കണ്ണുവയ്ക്കുന്നതെന്നു വിദഗ്ധർ പറയുന്നു. ഈ വർഷം കമ്പനി ഓഹരികൾക്ക് 6.6 ശതമാനം ലാഭവിഹിതം പ്രഖ്യാപിക്കുമെന്നാണ് ബ്ലൂംബെർഗ് ഇന്റലിജൻസ് കണക്കാക്കുന്നത്.

ഓഹരികൾക്കു ലഭിച്ച് മികച്ച പിന്തുണയ്ക്കു കാരണവും ഇതുതന്നെ. പ്രാദേശിക, വിദേശ ഓഹരി ഉടമകൾ തമ്മിലുള്ള വിഭജനത്തിന്റെ വിശദാംശങ്ങൾ ഇനിയും പുറത്തുവന്നിട്ടില്ല.

അരാംകോയുടെ ആസ്തികളിൽ വിദേശ താൽപ്പര്യം അളക്കുന്നതിനുള്ള അളവുകേവലായും ഡീലിനെ വിദഗ്ധർ കാണുന്നു. എണ്ണയിതര വരുമാനം വർധിപ്പിക്കാൻ സർക്കാർ ശ്രമിക്കുമ്പോഴും, സൗദി സമ്പദ്‌വ്യവസ്ഥയുടെ നട്ടെല്ല് ഇപ്പോഴും അരാംകോ തന്നെയാണ്.

ഓഹരികളുടെ കുത്തനെയുള്ള മൂല്യനിർണ്ണയത്തെക്കുറിച്ചുള്ള ആശങ്കയിൽ, കമ്പനിയുടെ 2019 ലെ പ്രാരംഭ പബ്ലിക് ഓഫറിംഗിനെ (ഐപിഒ) വിദേശ നിക്ഷേപകർ ഒഴിവാക്കിയിരുന്നു.

സൗദി അരാംകോയുടെ പ്രതിദിന ഉൽപ്പാദനം 9.3 മില്യൺ ബാരൽ ആണ്. എന്നാൽ കമ്പനിക്ക് 1.8 ട്രില്യൺ ഡോളറിന്റെ മൂല്യനിർണ്ണയം നൽകി. ഈ വർഷം ഇതുവരെ സൗദി അരാംകോ ഓഹരികൾ 14 ശതമാനം ഇടിഞ്ഞിട്ടുണ്ട്.

അതേസമയം, അമേരിക്കയിലെ ഏറ്റവും വലിയ ഊർജ കമ്പനിയായ എക്സോൺ മൊബിലിന്റെ വിപണി മൂല്യം അരാംകോയുടെ നാലിലൊന്ന് മാത്രമാണ്. എന്നാൽ കമ്പനിയുടെ പ്രതിദിന ഉൽപ്പാദനം അരാംകോയേക്കാൾ 40% കൂടുതലാണ്.

ആഗോള ഡിമാൻഡ് ആശങ്കകളെ തുടർന്ന് എണ്ണ വില താഴ്ന്നു നിൽക്കുന്ന സമയത്താണ് അരാംകോയുടെ ഓഹരി വിൽപ്പന. കൂടാതെ കമ്പനി ഉൽപ്പാദന നിയന്ത്രണങ്ങളിലൂടെ കടന്നുപോകുന്നു.

ഈ വർഷം ഫെബ്രുവരിക്കു ശേഷം രേഖപ്പെടുത്തുന്ന ഏറ്റവും കുറഞ്ഞ എണ്ണവില കഴിഞ്ഞ മണിക്കൂറുകളിൽ ആഗോള വിപണികളിൽ രേഖപ്പെടുത്തിയിട്ടുണ്ട്.

ഈ വർഷം പ്രതിദിനം ക്രൂഡ് ഉൽപ്പാദനം 9.3 ദശലക്ഷം ബാരലിനടുത്ത് സ്ഥിരപ്പെടുത്താൻ സൗദി ലക്ഷ്യമിടുന്നു. എന്നാൽ ബജറ്റ് സന്തുലിതമാക്കാൻ റിയാദിന് ശരാശരി എണ്ണവില 96.20 ഡോളർ ആവശ്യമാണെന്ന് ഐഎംഎഫ് കണക്കാക്കുന്നു.

നിലവിലെ സാഹചര്യം സൗദിക്കു കടുത്ത വെല്ലുവിളിയാണ്. അതേസമയം സൗദിയുടെ എണ്ണ ഇതര വരുമാനം ഉയരുന്നുവെന്നാണ് വിലയിരുത്തൽ. അതിനാൽ തന്നെ കുറഞ്ഞ എണ്ണ വില ഒരു ദശാബ്ദം മുമ്പ് ചെയ്തതുപോലെ സമ്പദ്വ്യവസ്ഥയെ ബാധിക്കാൻ ഇടയില്ലെന്നു വിദഗ്ധർ വിലയിരുത്തുന്നു.

മൂന്ന് വർഷം മുമ്പ്, സൗദി അറേബ്യയുടെ കിരീടാവകാശി മുഹമ്മദ് ബിൻ സൽമാൻ തുടക്കമിട്ട സൗദി വിഷൻ 2030 ആണ് ഇതിനു കാരണം. സാമ്പത്തിക വൈവിധ്യവൽക്കരണം, ആഗോള ഇടപഴകൽ, മെച്ചപ്പെട്ട ജീവിത നിലവാരം എന്നിവയ്ക്കുള്ള രാജ്യത്തിന്റെ റോഡ്മാപ്പാണിത്.

സൗദി അരാംകോയുടെ ഭാഗിക ഐപിഒയ്ക്കു വഴിവച്ചതും ഇതുതന്നെ. സർക്കാർ ഉടമസ്ഥതയിലുള്ള ആസ്തികളുടെ സ്വകാര്യവൽക്കരണത്തിലൂടെ സൗദി അറേബ്യയുടെ സമ്പദ്വ്യവസ്ഥയെ വൈവിധ്യവത്കരിക്കുന്നതിനും, പൗരന്മാർക്ക് ചലനാത്മകമായ തൊഴിലവസരങ്ങൾ സൃഷ്ടിക്കുന്നതിനുതുമാണ് വിഷൻ 2030യുടെ ലക്ഷ്യം.

പുനരുപയോഗ ഊർജം, ഉൽപ്പാദനം, വിനോദസഞ്ചാരം തുടങ്ങിയ അവികസിത വ്യവസായങ്ങൾ പരിപോക്ഷിപ്പിക്കുകയും, കുട്ടിക്കാലം മുതൽ ഉന്നത പഠനം വരെ സൗദി വിദ്യാഭ്യാസ സ്ഥാപനങ്ങളുടെ പാഠ്യപദ്ധതി നവീകരിക്കുകയും ചെയ്തത് ഫലം കാണുന്നുവെന്നാണ് റിപ്പോർട്ടുകൾ വ്യകതമാക്കുന്നത്.

സൗദിയുടെ എണ്ണ ഇതര വരുമാനം 2023ൽ രാജ്യത്തിന്റെ മൊത്ത ആഭ്യന്തര ഉൽപ്പാദനത്തിന്റെ 50% എത്തിയതായി സൗദി അവകാശപ്പെടുന്നുണ്ട്. ഇതൊരു പോസിറ്റീവ് സൂചനയാണ്.

X
Top