ഓഹരികളിലെ നിക്ഷേപത്തിലൂടെ ലോകത്തിലെ ഏറ്റവും വലിയ സമ്പന്നനായി മാറിയ വ്യക്തികളിലൊരാണ് വാറൻ ബഫറ്റ്. നിക്ഷേപ ഗുരു എന്നറിയപ്പെടുന്ന ബഫറ്റിൻെറ ഉടമസ്ഥതയിലുള്ള ബെർക്ക്‌ഷെയർ ഹതാവേ എന്ന നിക്ഷേപ സ്ഥാപനത്തിലൂടെ ശതകോടീകളാണ് അദ്ദേഹം സമ്പാദിച്ചത്.
ബഫറ്റ് ഓഹരികളിൽ നിന്ന് ലോകത്തിൽ തന്നെ ഏറ്റവും വലിയ സമ്പാദ്യം നേടി. അദ്ദേഹത്തിന്റെ ഇപ്പോഴത്തെ ആസ്തി ഏകദേശം 8.7 ലക്ഷം കോടി രൂപയിൽ കൂടുതൽ ആണ്. ലോകമെമ്പാടുമുള്ള എല്ലാ നിക്ഷേപകർക്കും വേണ്ടി അടുത്തിടെ അദ്ദേഹം ഒരു നിക്ഷേപ തന്ത്രം വെളിപ്പെടുത്തി.
സ്റ്റോക്ക് മാർക്കറ്റിലെ വെറും രണ്ട് കമ്പനികളിലെ നിക്ഷേപങ്ങൾ കൊണ്ട് ബഫറ്റ് നേടിയത് 3.5 ലക്ഷം കോടി രൂപയാണ്. ഈ ഓഹരികളിൽ നിന്ന് എങ്ങനെയാണ് ഞെട്ടിക്കുന്ന ലാഭം നേടിയതെന്ന് അദ്ദേഹം തന്നെ വെളിപ്പെടുത്തി.
പ്രശസ്ത ബ്രാൻഡായ കൊക്കകോളയിലും ഇൻവെസ്റ്റ്മന്റ് കമ്പനിയായ അമേരിക്കൻ എക്സ്പ്രസിലെയും നിക്ഷേപമാണ് അദ്ദേഹത്തിന് സ്വപ്ന നേട്ടം നൽകിയത്. ഏകദേശം 10,000 കോടി രൂപ വീതമായിരുന്നു നിക്ഷേപം.
ആ നിക്ഷേപങ്ങളുടെ മൂല്യം ഇപ്പോൾ 37,000 കോടി രൂപയിൽ കൂടുതൽ ആണ്. ഏതാണ്ട് എല്ലാ വർഷവും നിക്ഷേപങ്ങൾക്ക് ഉറപ്പായ വളർച്ച. ബഫറ്റ് കണക്കുകൂട്ടിയതുപോലെ തന്നെ ഈ രണ്ട് കമ്പനികളും വളർന്നു. അദ്ദേഹത്തിൻെറ കൈവശമുണ്ടായിരുന്ന ഓഹരികൾ ദീർഘകാലത്തിൽ അമ്പരപ്പിക്കുന്ന നേട്ടവും നൽകി.
ബഫറ്റും അദ്ദേഹത്തിൻെറ സുഹൃത്തായ ചാർലി മുങ്കീറും ചേർന്ന് 1994-ൽ ആണ് കോക്കിൽ ഓഹരി വാങ്ങുന്നത്. 130 കോടി ഡോളറിൻെറ ഓഹരിയാണ് വാങ്ങിയത്. 1995-ൽ അമേരിക്കൻ എക്സ്പ്രസ് ഓഹരികൾ വാങ്ങി.
വർഷങ്ങളായി നിക്ഷേപം തുടർന്നു. ഓരോ വർഷവും ഓഹരികൾ അത്ഭുതങ്ങൾ സൃഷ്ടിച്ചുകൊണ്ടിരുന്നു. 1994-ൽ തന്നെ അവർക്ക് 7.5 കോടി ഡോളർ ലാഭവിഹിതം ലഭിച്ചു. ഇത് 2022-ൽ 70.4 കോടി ഡോളറായി വളർന്നു.
അമേരിക്കൻ എക്‌സ്‌പ്രസിൻെറ ലാഭവിഹിതം 2022-ഓടെ 4.1കോടി ഡോളറിൽ നിന്ന് 30.2 കോടി ഡോളറായി ഉയർന്നിരുന്നു.
ഓഹരി വില ഉയ‍ർന്നത് കൂടുതൽ നേട്ടങ്ങൾ നൽകിയതായി ബഫറ്റ് പറയുന്നു. ഈ രണ്ട് നിക്ഷേപങ്ങൾ ആണ് ഇപ്പോൾ ബെർക്ക്‌ഷെയറിന്റെ ആസ്തിയുടെ അഞ്ച് ശതമാനവും നൽകിയത്.
ചുരുക്കത്തിൽ, ഒരാൾക്ക് സാമ്പത്തിക നേട്ടം നൽകാൻ ഓഹരി വിപണിയിൽ വളരെയധികം നിക്ഷേപങ്ങൾ ഒന്നും ആവശ്യമില്ലെന്നും മികച്ച ഓന്നോ, രണ്ടോ ഓഹരികളിൽ നിന്ന് പോലും അത്ഭുതകരമായ നേട്ടമുണ്ടാക്കാൻ കഴിയുമെന്നും ബഫറ്റ് നിക്ഷേപകരെ ഓർമിപ്പിക്കുന്നു.
