ന്യൂഡൽഹി: റിസർവ് ബാങ്ക് ഓഫ് ഇന്ത്യയുടെ (ആർബിഐ) മാർഗ്ഗനിർദ്ദേശങ്ങൾക്കനുസൃതമായി അക്കൗണ്ടുകളുടെ സുഗമമായ പ്രവർത്തനം ഉറപ്പാക്കുന്നതിന് ഓഗസ്റ്റ് 08നകം കെവൈസി വിവരങ്ങൾ പുതുക്കണമെന്ന് മുൻനിര പൊതുമേഖലാ ബാങ്കായ പഞ്ചാബ് നാഷണൽ ബാങ്ക് (പിഎൻബി) ഉപഭോക്താക്കളോട് അഭ്യർത്ഥിക്കുന്നു.
30.06.2025 വരെ കെവൈസി അപ്ഡേറ്റ് ചെയ്യേണ്ട അക്കൗണ്ടുകളുള്ള ഉപഭോക്താക്കൾക്ക് മാത്രമേ ഇത് ബാധകമാകൂ.
പുതുക്കിയ ഐഡന്റിറ്റി പ്രൂഫ്, അഡ്രസ്സ് പ്രൂഫ്, സമീപകാല ഫോട്ടോ, പാൻ/ഫോം 60, വരുമാന തെളിവ്, മൊബൈൽ നമ്പർ (ലഭ്യമല്ലെങ്കിൽ) അല്ലെങ്കിൽ മറ്റ് ഏതെങ്കിലും കെവൈസി വിവരങ്ങളോ ഏതെങ്കിലും ബ്രാഞ്ചിൽ നൽകി ഉപഭോക്താക്കൾക്ക് കെവൈസി പുതുക്കാം.
പിഎൻബി വൺ ആപ്പ്/ഇന്റർനെറ്റ് ബാങ്കിംഗ് മുഖേനയും, അവരവരുടെ അടിസ്ഥാന ബ്രാഞ്ചിലേക്ക് രജിസ്റ്റർ ചെയ്ത ഇ-മെയിൽ/പോസ്റ്റ് മുഖേനയും ഓഗസ്റ്റ് 08നകം ഇത് ചെയ്യാവുന്നതാണ്. നിശ്ചിത സമയത്തിനുള്ളിൽ കെവൈസി വിശദാംശങ്ങൾ അപ്ഡേറ്റ് ചെയ്യുന്നതിൽ പരാജയപ്പെടുന്നത് അക്കൗണ്ട് പ്രവർത്തനങ്ങളിൽ നിയന്ത്രണങ്ങൾക്ക് കാരണമായേക്കാം.
ജാഗ്രത: കെവൈസി പുതുക്കുന്നതിനായി സ്ഥിരീകരിക്കാത്ത ഉറവിടങ്ങളിൽ നിന്ന് ലഭിക്കുന്ന ഏതെങ്കിലും ലിങ്ക്/ഫയലിൽ ക്ലിക്ക് ചെയ്യുകയോ ഡൗൺലോഡ് ചെയ്യുകയോ ചെയ്യരുത്.
