ന്യൂഡൽഹി: വിവിധ മന്ത്രാലയങ്ങളുടെയും വകുപ്പുകളുടെയും ഉയർന്ന വാങ്ങൽ പ്രവർത്തനങ്ങൾ കാരണം ഈ സാമ്പത്തിക വർഷം ഇതുവരെ സർക്കാർ പോർട്ടലായ ജിഇഎമ്മിൽ നിന്നുള്ള ചരക്കുകളുടെയും സേവനങ്ങളുടെയും സംഭരണം 2 ലക്ഷം കോടി രൂപ കവിഞ്ഞു.
കേന്ദ്ര സർക്കാർ മന്ത്രാലയങ്ങൾക്കും വകുപ്പുകൾക്കും ചരക്കുകളുടെയും സേവനങ്ങളുടെയും ഓൺലൈൻ വാങ്ങലുകൾക്കായി 2016 ഓഗസ്റ്റ് 9നാണ് സർക്കാർ ഇ-മാർക്കറ്റ് (GeM) പോർട്ടൽ ആരംഭിച്ചത്.
“ഒരു നാഴികക്കല്ല്! സർക്കാർ ഇ-മാർക്കറ്റ്പ്ലേസ് 2023-24ലെ വെറും എട്ട് മാസത്തിനുള്ളിൽ 2 ലക്ഷം കോടി രൂപയുടെ മൊത്ത വ്യാപാര മൂല്യം നേടി” വാണിജ്യ വ്യവസായ മന്ത്രി പിയൂഷ് ഗോയൽ സോഷ്യൽ മീഡിയ പ്ലാറ്റ്ഫോം X-ൽ പറഞ്ഞു.
2021-22ൽ സംഭരണ മൂല്യം 1.06 ലക്ഷം കോടി രൂപയായിരുന്നു. കഴിഞ്ഞ വർഷം ഇത് 2 ലക്ഷം കോടി കടന്നിരുന്നു, ഈ വർഷത്തെ ട്രെൻഡ് അനുസരിച്ച് ഇത് 3 ലക്ഷം കോടി കടന്നേക്കും.
വൈവിധ്യമാർന്ന ഉൽപ്പന്നങ്ങളും സേവനങ്ങളും വാഗ്ദാനം ചെയ്യുന്ന 63,000 ഗവൺമെന്റ് ബയർ ഓർഗനൈസേഷനുകളും 62 ലക്ഷത്തിലധികം വിൽപ്പനക്കാരും സേവന ദാതാക്കളുമുണ്ട് ഈ പ്ലാറ്റ്ഫോമിൽ.
