മാസങ്ങള് നീണ്ട ഉല്പ്പാദന നിയന്ത്രങ്ങളില്(Production Restriction) നിന്ന് ഒപെക്ക് പ്ലസ്(Opec Plus) പുറത്തേയ്ക്കു വരുമെന്ന വാര്ത്തയാണ് നിലവില് എണ്ണ വിപണിയില്(Oil Market) അലയടിക്കുന്നത്. ഒക്ടോബർ മുതല് എണ്ണ കൂട്ടായ്മ ഉല്പ്പാദനം വര്ധിപ്പിക്കുമെന്ന് കരുതപ്പെടുന്നു.
അനിശചിതമായി തുടരുന്ന ഉല്പ്പാദന നിയന്ത്രണത്തിനിടെ ഗ്രൂപ്പിനുള്ളില് തന്നെ എതിര് അഭിപ്രായം ശക്തമാകുന്ന സാഹചര്യത്തിലാണ് ഉല്പ്പാദനം വര്ധിപ്പിക്കാന് ഒരുങ്ങുന്നത്. വര്ഷങ്ങള് നീണ്ട ഉല്പ്പാദന നിയന്ത്രണം ഗ്രൂപ്പിലെ ചെറുകിട ഉല്പ്പാദകരെ ഇതോടകം ബാധിച്ചിട്ടുണ്ട്.
ആഗോള ഡിമാന്ഡ് ആശങ്കകളെ തുടര്ന്ന് എണ്ണവില ഇടിഞ്ഞിരിക്കുന്ന സാഹചര്യത്തില് ഉല്പ്പാദനം നിയന്ത്രണം ഒപെക്ക് പ്ലസ് തുടര്ന്നേക്കുമെന്ന റിപ്പോര്ട്ടുകള്ക്കിടെയാണ് ഒക്ടോബര് മുതല് കാര്യങ്ങള് തലകീഴാകുമെന്ന റിപ്പോര്ട്ട് എത്തുന്നത്.
ഉല്പ്പാദന നിയന്ത്രണം പിന്വലിക്കാന് ഒപെക്കിന് കരുത്തേകുന്നത് ലിബിയ ആണ്. ആഭ്യന്തര പ്രശ്നങ്ങളെ തുടര്ന്ന് ലിബിയ ആഭ്യന്തര എണ്ണ ഉല്പ്പാദനവും, കയറ്റുമതിയും പൂര്ണമായും നിര്ത്തിയിരിക്കുകയാണ്.
ലിബിയയില് നിന്നുള്ള എണ്ണ നീക്കങ്ങള് പൂര്ണമായും നിലച്ചിരിക്കുന്നുവെന്നു പറയുന്നതാകും ശരി. അതായത് ഒറ്റയടിക്ക് മില്യണ് കണക്കിന് ബാരലുകള് വിപണികളില് നിന്ന് അപ്രത്യക്ഷമായിരിക്കുന്നു.
ഒപെക്കിനെ സംബന്ധിച്ച് വിലയില് വലിയ സമ്മര്ദം നല്കാതെ, വിപണികള് ഇളക്കിമറിക്കാതെ ഉല്പ്പാദനം വര്ധിപ്പിക്കാന് ഇതിലും മികച്ച അവസരം ഇനി കിട്ടില്ല. ഗ്രൂപ്പിനുള്ളില് അസ്വാരസ്യതകളും പരിഹരിക്കാന് കഴിയും. ഇന്ത്യയെ പോലുള്ള ഉപഭോക്തൃ രാജ്യങ്ങള്ക്ക് ലിബിയ പണി നല്കുമ്പോള്, സൗദിയടക്കമുള്ള ഉല്പ്പാദകര്ക്ക് അവസരമാണ്.
റിപ്പോര്ട്ടുകള് പ്രകാരം ഒപെക്ക് പ്ലസി ഒക്ടോബര് ണമുതല് 1,80,000 ബിപിഡി അധികം എണ്ണ ഉല്പ്പാദിപ്പിക്കും. ലിബിയയുടെ പ്രതിദിന ഉല്പ്പാദനം ഏകദേശം 1,65,000 ബിപിഡി ആയിരുന്നു.
അതായത് നിലവില് ഒപെക്ക് ഉല്പ്പാദനം വര്ധിപ്പിച്ചാലും വിപണികളിലേയ്ക്ക് എത്തുന്ന എണ്ണയുടെ അളവില് കാര്യമായ മാറ്റം ഉണ്ടാകില്ല. അതിനാല് തന്നെ വിലയില് വലിയ സമ്മര്ദങ്ങള് നല്കാതെ തന്നെ ഉല്പ്പാദന നിയന്ത്രണത്തില് നിന്ന് ഒപെക്കിന് പുറത്തെത്താം.
ചൈനയില് നിന്നും അമേരിക്കയില് നിന്നുമുള്ള ഏറ്റവും പുതിയ സാമ്പത്തിക അപ്ഡേറ്റുകള് എണ്ണയെ തളര്ത്തുന്നതാണ്. ചൈനയുടെ ഏറ്റവും പുതിയ പിഎംഐ റീഡിംഗ് പ്രതീക്ഷിച്ചതിലും കുറവാണ്.
അതേസമയം ജൂണ് മാസത്തില് യുഎസിലെ എണ്ണ ഉപഭോഗം പാന്ഡെമിക് ലോക്ക്ഡൗണുകള്ക്ക് ശേഷമുള്ള ഏറ്റവും കുറഞ്ഞ സീസണല് തലത്തിലേക്ക് ഇടിഞ്ഞതായി എനര്ജി ഇന്ഫര്മേഷന് അഡ്മിനിസ്ട്രേഷനും റിപ്പോര്ട്ട് ചെയ്യുന്നു.
നിലവില് ആഗോള വിപണിയില് ബ്രെന്റ് ക്രൂഡ് ബാരലിന് 77.19 ഡോളറാണ്. ഡബ്ല്യു ടി ഐ ക്രൂഡ് ബാരലിന് 73.90 ഡോളറാണ്. 80 ഡോളറില് താഴെയുള്ള ഏതൊരു നിലവാരവും ഇന്ത്യയ്ക്ക് ആശ്വാസം തന്നെ.
ആഗോള എണ്ണ വിലയിലെ ഇടിവ് വിലകുറഞ്ഞ റഷ്യന് എണ്ണയുടെ സാധ്യതകള് കൂടിയാണ് ഇന്ത്യയ്ക്കു മുന്നില് തുറക്കുന്നത്. നിലവിലെ സാഹചര്യത്തില് വരും യോഗത്തില് നിരക്കുകള് കുറയ്ക്കാന് ആര്ബിഐ സഹായിക്കാനും കുറഞ്ഞ എണ്ണവിലയ്ക്കു സാധിക്കും.
