ആലപ്പുഴ: ജില്ലയിലെ പ്രവാസികള്ക്കും പ്രവാസി സംരംഭകര്ക്കുമായി നോര്ക്ക ബിസ്സിനസ് ഫെസിലിറ്റേഷന് സെന്ററിന്റെ (എന്ബിഎഫ്സി) ആഭിമുഖ്യത്തില് ഈ മാസം ചെങ്ങന്നൂരില് ‘നോര്ക്ക-പ്രവാസി ബിസിനസ് കണക്ട്’ സംഘടിപ്പിക്കുന്നു. സൗജന്യമായി നടത്തുന്ന ബിസിനസ് കണക്റ്റില് പങ്കെടുക്കാന് താത്പര്യമുള്ളവർ ജനുവരി 12-ന് അകം പേര് രജിസ്റ്റർ ചെയ്യേണ്ടതാണ്. ആദ്യം രജിസ്റ്റർ ചെയ്യുന്ന 40 പേർക്കാണ് പ്രവേശനം. രജിസ്റ്റർ ചെയ്യുന്നതിനായി +91-471 2770534/+91-8592958677 (പ്രവൃത്തി ദിനങ്ങളില്, ഓഫീസ് സമയത്ത്) എന്നീ നമ്പറുകളിലോ nbfc.coordinator@gmail.com എന്ന ഇ-മെയില് വിലാസത്തിലോ ബന്ധപ്പെടേണ്ടതാണ്.
സംരംഭകർ അറിഞ്ഞിരിക്കേണ്ട നിയമ വശങ്ങൾ, ഐഡിയ ജനറേഷൻ, പ്രൊജക്റ്റ് റിപ്പോർട്ട് തയ്യാറാക്കുന്ന വിധം, സെയിൽസ് ആൻഡ് മാർക്കറ്റിംഗ്, ജിഎസ്ടി, വിവിധ ലൈസൻസുകൾ, സർക്കാർ പദ്ധതികൾ, വായ്പാ സൗകര്യങ്ങൾ, വിവിധ ആനുകൂല്യങ്ങള് തുടങ്ങിയ നിരവധി സെഷനകളിലായി വിദഗ്ദ്ധരുടെ ക്ലാസ്സുകൾ ഉൾപ്പെടുത്തിയുളളതാണ് ‘പ്രവാസി ബിസിനസ് കണക്ട്’. സംസ്ഥാനത്തെ പ്രവാസി നിക്ഷേപങ്ങളും, പ്രവാസി സംരംഭങ്ങളും പ്രോത്സാഹിപ്പിക്കുക എന്ന ലക്ഷ്യത്തോടെ തിരുവനന്തപുരം നോര്ക്ക സെന്ററില് പ്രവര്ത്തിക്കുന്ന ഏകജാലക സംവിധാനമാണ് എന്ബിഎഫ്സി പ്രവാസികള്ക്കായി എല്ലാ മാസവും ത്രിദിന സൗജന്യ സംരംഭകത്വ പരിശീലനവും (റെസിഡൻഷ്യൽ), എല്ലാ പ്രവൃത്തി ദിനങ്ങളിലും നോര്ക്ക ബിസിനസ് ക്ലിനിക്ക് എന്നീ സേവനങ്ങളും പ്രവാസികള്ക്ക് എന്ബിഎഫ്സി വഴി ലഭ്യമാണ്.
എറണാകുളം കളമശ്ശേരിയിൽ പ്രവര്ത്തിക്കുന്ന കേരള ഇൻസ്റ്റിറ്റ്യൂട്ട് ഫോർ ഓൺട്രപ്രണർഷിപ് ഡെവലപ്പ്മെന്റ് കാംപസില് നടത്തുന്ന ത്രിദിന സൗജന്യ സംരംഭകത്വ പരിശീലന പരിപാടിയുടെ (റെസിഡൻഷ്യൽ) ജനുവരി മുതല് മാര്ച്ച് വരെയുളള ബാച്ചുകളിലേക്കും ഇപ്പോള് രജിസ്റ്റര് ചെയ്യാന് അവസരമുണ്ട്. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802012345 (വിദേശത്ത് നിന്നും, മിസ്സ്ഡ് കോള് സര്വീസ്) ബന്ധപ്പെടാവുന്നതാണ്.
