ന്യൂഡല്‍ഹി: അദാനി ഗ്രൂപ്പ് കമ്പനികളുടേയും സെക്യൂരിറ്റികളുടേയും റേറ്റിംഗില്‍ മാറ്റം വരുത്തില്ലെന്ന് ഫിച്ച് റേറ്റിംഗ്‌സ്. പണമൊഴുക്ക് അനുമാനത്തില്‍ കാര്യമായ മാറ്റമൊന്നും പ്രതീക്ഷിക്കുന്നില്ല. യു.എസ് ഷോര്‍ട്ട് സെല്ലറായ ഹിന്‍ഡന്‍ബര്‍ഗ് റിസര്‍ച്ച് ആരോപണങ്ങളുടെ പശ്ചാത്തലത്തിലാണ് വിലയിരുത്തല്‍.
അദാനി ഗ്രൂപ്പിന് അടുത്ത ദിവസങ്ങളില്‍ ഓഫ്ഷോര്‍ ബോണ്ട് മെച്യൂരിറ്റികളൊന്നുമില്ലെന്ന് ഫിച്ച് റേറ്റിംഗ്‌സ് പറയുന്നു. ഇത് റീഫിനാന്‍സിങ് അപകടസാധ്യതകളും ലിക്വിഡിറ്റി റിസ്‌കുകളും കുറയ്ക്കുന്നു. അദാനി പോര്ട്ട്സ് ആന്‍ഡ് സ്പെഷ്യല്‍ ഇക്കണോമിക് സോണ്‍ ലിമിറ്റഡിന് (BBB/സ്റ്റേബിള്‍) 2024 ജൂണില്‍ അദാനി ഗ്രീന്‍ എനര്‍ജി ലിമിറ്റഡ് നിയന്ത്രിത ഗ്രൂപ്പ് 1 ( BB+/സ്റ്റേബിള്‍) 2024 ഡിസംബര്‍; മറ്റെല്ലാ സ്ഥാപനങ്ങള്‍ക്കും 2026 ലോ അതിനുശേഷമോ ആണ് മെച്യൂരിറ്റിയാകുന്നത്.
അതേസമയം അദാനി ഗ്രൂപ്പിനെ നിരീക്ഷണ വിധേയമാക്കും.
ധനസാഹായം തേടല്‍, സാമ്പത്തിക ചെലവ്, പ്രതികൂല റെഗുലേറ്ററി/നിയമ സംഭവവികാസങ്ങള്‍ അല്ലെങ്കില്‍ ക്രെഡിറ്റ് പ്രൊഫൈലുകളെ ബാധിച്ചേക്കാവുന്ന ഇഎസ്ജി സംബന്ധിയായ കാര്യങ്ങള്‍ എന്നിവ സൂക്ഷ്മമായി നിരീക്ഷിക്കും,’ ഫിച്ച് റേറ്റിംഗ്‌സ് പറഞ്ഞു. അദാനി ഗ്രൂപ്പിനുള്ളിലെ എട്ട് എന്റിറ്റികള്‍/നിയന്ത്രിത ഗ്രൂപ്പുകളില്‍ ഫിച്ചിന് നിലവില്‍ റേറ്റിംഗ് ഉണ്ട്.
അദാനി ട്രാന്‍സ്മിഷന്‍ ലിമിറ്റഡ് (BBB/സ്റ്റേബിള്‍); അദാനി ഇലക്ട്രിസിറ്റി മുംബൈ ലിമിറ്റഡ് (സീനിയര്‍ സെക്യൂര്‍ഡ് യുഎസ് ഡോളര്‍ നോട്ടുകള്‍ ‘ബിബിബി-‘ റേറ്റുചെയ്തിരിക്കുന്നു); അദാനി പോര്ട്ട്സ്,അദാനി ഇന്റര്‍നാഷണല്‍ കണ്ടെയ്നര്‍ ടെര്‍മിനല്‍ പ്രൈവറ്റ് ലിമിറ്റഡ് (‘ബിബിബി-‘/സ്റ്റേബിള്‍ റേറ്റുചെയ്ത മുതിര്‍ന്ന സുരക്ഷിത യുഎസ് ഡോളര്‍ നോട്ടുകള്‍); അദാനി ട്രാന്‍സ്മിഷന്‍ നിയന്ത്രിത ഗ്രൂപ്പ് 1 (BBB/സ്റ്റേബിള്‍); അദാനി ഗ്രീന്‍ എനര്‍ജി നിയന്ത്രിത ഗ്രൂപ്പ് 2 (സീനിയര്‍ സെക്യൂര്‍ഡ് യുഎസ് ഡോളര്‍ നോട്ടുകള്‍ ‘ബിബിബി-‘/സ്റ്റേബിള്‍); അദാനി ഗ്രീന്‍ എനര്‍ജി,മുംബൈ ഇന്റര്‍നാഷണല്‍ എയര്‍പോര്‍ട്ട് ലിമിറ്റഡ് (സീനിയര്‍ സെക്യൂരിഡ് യുഎസ് ഡോളര്‍ നോട്ടുകള്‍ ‘ബിബി+’/സ്റ്റേബിള്‍) എന്നിങ്ങനെയാണ് ഗ്രൂപ്പിലെ ഫിച്ച് റേറ്റിംഗുകള്‍.
