മുംബൈ: കമ്പനിയുടെ നേപ്പാളിലെ വരാനിരിക്കുന്ന വെസ്റ്റ് സേതി, സേതി നദി -6 പദ്ധതികളിൽ നിന്ന് ഉൽപ്പാദിപ്പിക്കുന്ന വൈദ്യുതി വിതരണം ചെയ്യുന്നതിനായി പിടിസി ഇന്ത്യയുമായി കരാർ ഒപ്പിട്ട് സർക്കാർ ഉടമസ്ഥതയിലുള്ള ജലവൈദ്യുത കമ്പനിയായ എൻഎച്ച്പിസി.
ധാരണാപത്രം എൻഎച്ച്പിസി സിഎംഡി എ.കെ. സിംഗ്, പി.ടി.സി ഇന്ത്യ ലിമിറ്റഡ് സി.എം.ഡി ഡോ. റജിബ് കെ. മിശ്ര എന്നിവർ ചേർന്ന് ഒപ്പുവെച്ചതായി കമ്പനി പ്രസ്താവനയിൽ പറഞ്ഞു. ധാരണാപത്രം അനുസരിച്ച്, പദ്ധതികളുടെ വാണിജ്യ പ്രവർത്തന തീയതി മുതൽ എൻഎച്ച്പിസിയിൽ നിന്ന് പിടിസി, സംസ്ഥാന യൂട്ടിലിറ്റികൾ/ഡിസ്‌കോമുകൾ എന്നിവയ്‌ക്കായി ദീർഘകാലാടിസ്ഥാനത്തിൽ വൈദ്യുതി വാങ്ങും.
ഒരു ഇന്ത്യൻ ഹൈഡ്രോ പവർ ജനറേഷൻ കമ്പനിയാണ് മുമ്പ് നാഷണൽ ഹൈഡ്രോ ഇലക്ട്രിക് പവർ കോർപ്പറേഷൻ എന്നറിയപ്പെട്ടിരുന്ന എൻഎച്ച്പിസി ലിമിറ്റഡ്. അതേസമയം പവർ ട്രേഡിംഗ് സൊല്യൂഷനുകൾ, ക്രോസ് ബോർഡർ പവർ ട്രേഡിംഗ്, കൺസൾട്ടൻസി സേവനങ്ങൾ എന്നിവ നൽകുന്ന ഒരു ഇന്ത്യൻ കമ്പനിയാണ് പിടിസി ഇന്ത്യ ലിമിറ്റഡ്.
