കൊച്ചി: റിയല് എസ്റ്റേറ്റ് നിക്ഷേപ ട്രസ്റ്റായ (ആര്ഇഐടി) നെക്സസ് സെലക്ട് ട്രസ്റ്റിൻ്റെ പ്രാഥമിക ഓഹരി വിൽപ്പന (ഐപിഒ) മെയ് 9 മുതല് 11 വരെ നടക്കും.
1400 കോടി രൂപയുടെ പുതിയ ഓഹരികളും നിലവിലുള്ള ഓഹരി ഉടമകളുടെ 1800 കോടി രൂപയുടെ ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്.
ഓഹരി ഒന്നിന് 95 മുതല് 100 രൂപവരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്.
കുറഞ്ഞത് 150 യൂണിറ്റുകള്ക്കും തുടര്ന്ന് 150 ന്റെ ഗുണിതങ്ങള്ക്കും അപേക്ഷിക്കാം.
