ഇന്ത്യന് സാമ്പത്തികശാസ്ത്രജ്ഞനായ നീല്കാന്ത് മിശ്ര ലോകബാങ്കിന്റെ എക്സിക്യൂട്ടീവ് ഡയറക്ടറായി നിയമിച്ചു. കേന്ദ്ര മന്ത്രിസഭയുടെ നിയമനകാര്യ സമിതിയാണ് നിയമനത്തിന് അംഗീകാരം നല്കിയത്.
മൂന്ന് വര്ഷത്തേക്കാണ് ഈ പദവി. 2023 ഫെബ്രുവരി മുതല് ഈ സ്ഥാനത്തിരിക്കുന്ന 1981 ബാച്ച് ഉത്തര്പ്രദേശ് കേഡറിലെ വിരമിച്ച ഐഎഎസ് ഓഫീസറായ പരമേശ്വരന് അയ്യര്ക്ക് പകരക്കാരനായാണ് നീല്കന്ത് മിശ്ര ചുമതലയേല്ക്കുന്നത്.
ആരാണ് നീല്കാന്ത് മിശ്ര?
രാജ്യത്തെ എണ്ണം പറഞ്ഞ സാമ്പത്തികവിദഗ്ധരിലൊരാളാണ് അദ്ദേഹം. നിലവില് ആക്സിസ് ബാങ്കിന്റെ ഗ്ലോബല് റിസര്ച്ച് ഹെഡായും മുഴുവന് സമയ ഡയറക്ടറായും പ്രവര്ത്തിക്കുകയായിരുന്നു.
ഐഐടി കാണ്പൂരില് നിന്ന് പഠിച്ചിറങ്ങിയ അദ്ദേഹം പ്രധാനമന്ത്രിയുടെ സാമ്പത്തിക ഉപദേശക കൗണ്സിലിലും പ്രവര്ത്തിച്ചിട്ടുണ്ട്. യൂണിക് ഐഡന്റിഫിക്കേഷന് അതോറിറ്റി ഓഫ് ഇന്ത്യയുടെ (UIDAI) പാര്ട്ട്ടൈം ചെയര്പേഴ്സാണായും പ്രവര്ത്തിച്ചിട്ടുണ്ട്. ടെലികോം റെഗുലേറ്ററി അതോറിറ്റി ഓഫ് ഇന്ത്യയിലും പ്രധാന റോള് വഹിച്ചിട്ടുണ്ട്.
പതിനഞ്ചാം ധനകാര്യ കമ്മീഷന്, പതിനാറാം ധനകാര്യ കമ്മീഷന്, ഇന്ത്യന് സെമികണ്ടക്ടര് മിഷന്, ജിഎസ്ടി അനുബന്ധ കമ്മിറ്റികള് എന്നിവയിലും പ്രവര്ത്തിച്ചിട്ടുണ്ട്.
