ഇന്ന് ജനപ്രിയമായിരിക്കുന്ന ഒരു വിനിമയ ഉപാധിയാണ് യുണിഫൈഡ് പെയ്മെന്റ് ഇന്റർഫേസ് അഥവാ യു.പി.ഐ (UPI). ഇന്ത്യ വികസിപ്പിച്ചെടുത്ത ഈ സംവിധാനം വഴി സ്മാർട്ഫോണുകൾ ഉപയോഗിച്ച്, ബാങ്ക് അക്കൗണ്ടുകൾ തമ്മിൽ പണം വിനിമയം നടത്താൻ സാധിക്കും. ഡിജിറ്റൽ വാലറ്റിന് സമാനമായ യു.പി.ഐയിൽ ഒന്നിലധികം ബാങ്ക് അക്കൗണ്ടുകൾ ലിങ്ക് ചെയ്യാൻ സാധിക്കും. വിവിധ ആപ്ലിക്കേഷനുകളിൽ ഇവ പ്രവർത്തിക്കും.
2016 വർഷത്തിന് മുമ്പ് വരെ ഇന്റർബാങ്കിങ് അധിഷ്ഠിത പണമിടപാടുകൾക്ക് ഇന്ത്യയിൽ RTGS, IMPS, and NEFT എന്നീ സംവിധാനങ്ങളായിരുന്നു നിലവിലുണ്ടായിരുന്നത്. ഈ സംവിധാനങ്ങളുടെ സങ്കീർണത, വിവിധ റൂളുകൾ, വർധിച്ച തോതിലുള്ള പേപ്പർ വർക്കുകൾ തുടങ്ങിയവയാണ് ഒരു ഏകീകൃത സ്വഭാവമുള്ള ഓട്ടോമേറ്റഡ് പേയ്മെന്റ് പ്ലാറ്റ്ഫോം എന്ന ആശയത്തിലേക്ക് വഴി തുറന്നത്.
2016 വർഷത്തിൽ നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (NPCI), രാജ്യത്തെ പേയ്മെന്റ് സംവിധാനത്തിൽ വിപ്ലവം സൃഷ്ടിച്ച UPI എന്ന ആപ്ലിക്കേഷൻ പ്രോഗ്രാം വികസിപ്പിച്ചു. ഇത് ഡിജിറ്റൽ പേയ്മെന്റുകൾ സ്വീകരിക്കുന്നത് എളുപ്പമുള്ളതാക്കി മാറ്റി.
ഇ-കൊമേഴ്സ്, ഓൺലൈൻ പ്രവർത്തനങ്ങൾ വർധിച്ചു. ഇന്ന് എന്തിനും ഏതിനും UPI വിനിമയങ്ങൾ നടത്തുന്നവരാണ് ഭൂരിഭാഗം ജനങ്ങളും. ഇവിടെ, UPI വിനിമയങ്ങൾ സുരക്ഷിതമാക്കാനുള്ള ചില മാർഗങ്ങളാണ് വിശദമാക്കിയിരിക്കുന്നത്.
നിങ്ങളുടെ അക്കൗണ്ടിൽ നിന്ന് പണം ഡിഡക്ട് ചെയ്യാൻ മാത്രം UPI പിൻ എന്റർ ചെയ്യുക. പണം സ്വീകരിക്കുന്നതിന് ഇതിന്റെ ആവശ്യമില്ല.
UPI പേയ്മെന്റുകൾ നടത്തുന്നതിന് മുമ്പ് സ്വീകർത്താവിന്റെ പേര്, UPI ഐഡി എന്നിവ വെരിഫൈ ചെയ്യുക. വെരിഫിക്കേഷൻ കൂടാതെ പണം അയയ്ക്കരുത്. വലിയ വിനിമയങ്ങളിൽ ആദ്യം 1 രൂപ പോലെയുള്ള ചെറിയ തുക അയച്ച് സ്വീകർത്താവ് ആരെന്നത് ഉറപ്പിക്കാവുന്നതാണ്. ഓവർ പേയ്മെന്റ് നടത്താതിരിക്കാൻ തുകയും ഡബിൾ ചെക്ക് ചെയ്യേണ്ടതാണ്.
പേയ്മെന്റ് നടത്തുന്നതിന് മാത്രമാണ് QR കോഡ് സ്കാൻ ചെയ്യേണ്ടത്. പണം സ്വീകരിക്കുന്നതിനല്ല
നിങ്ങളുടെ UPI പിൻ ആരുമായും പങ്കു വെക്കരുത്. നിങ്ങളുടെ UPI പിൻ എന്നത് എ.ടി.എം പിൻ നമ്പർ പോലെയോ, ഇന്റർനെറ്റ് ബാങ്കിങ് പാസ് വേർഡ് പോലെയോ സുരക്ഷിതമാണ്. എപ്പോഴും സ്വകാര്യമായി UPI പിൻ എന്റർ ചെയ്യാൻ ശ്രദ്ധിക്കാം
അപരിചിതരായ ആളുകൾ ആവശ്യപ്പെടുന്ന സ്ക്രീൻ ഷെയറിങ്/എസ്.എം.എസ് ഫോർവേർഡിങ് ആപ്ലിക്കേഷനുകൾ ഡൗൺലോഡ് ചെയ്യാതിരിക്കുക
ബാങ്ക്, UPI സേവനദാതാവ് എന്നീ പേരുകളിൽ വ്യാജമായി ഇ-മെയിൽ. സന്ദേശങ്ങൾ, കോളുകൾ തുടങ്ങിയവ വരാൻ സാധ്യതകളുണ്ട്. ഇത്തരം തട്ടിപ്പുകാർക്ക് OTP, പിൻ നമ്പർ, മറ്റ് സെൻസിറ്റീവ് വിവരങ്ങൾ തുടങ്ങിയവയൊന്നും കൈമാറ്റം ചെയ്യരുത്
സംശയാസ്പദമായ ലിങ്കുകളിൽ ക്ലിക്ക് ചെയ്യുകയോ, അപരിചിതമായ സോഴ്സുകളിൽ നിന്ന് ഡൗൺലോഡുകൾ നടത്തുകയോ ചെയ്യരുത്
ഗൂഗിൾ പ്ലേ സ്റ്റോർ, ആപ്പിൾ ആപ് സ്റ്റോർ പോലെയുള്ള ഔദ്യോഗിക പ്ലാറ്റ്ഫോമുകളിൽ നിന്ന് മാത്രം UPI ആപ്ലിക്കേഷനുകൾ ഡൗൺലോഡ് ചെയ്യുക. തേർഡ് പാർട്ടി വെബ്സൈറ്റുകൾ, വെരിഫൈ ചെയ്യാത്ത ഉറവിടങ്ങൾ എന്നിവിടങ്ങളിൽ നിന്നുള്ള ഡൗൺലോഡുകൾ ഒഴിവാക്കുക
UPI ആപ്ലിക്കേഷനുകൾ ഏറ്റവും പുതിയ പതിപ്പുകളിലേക്ക് സ്ഥിരമായി അപ്ഡേറ്റ് ചെയ്യുക
റിസ്ക് കുറയ്ക്കുന്നതിന് വേണ്ടി ട്രാൻസാക്ഷൻ ലിമിറ്റ് ഓപ്ഷൻ പ്രയോജനപ്പെടുത്താവുന്നതാണ്
ആപ്ലിക്കേഷൻ ലോക്ക് ഫീച്ചറുകൾ ഉപയോഗിച്ച് UPI ആപ്പുകൾ സുരക്ഷിതമാക്കുക
സുരക്ഷിതമല്ലാത്ത പൊതു വൈ-ഫൈ ഉപയോഗിച്ചു കൊണ്ടുള്ള UPI വിനിമയങ്ങൾ ഒഴിവാക്കുക. സ്വകാര്യ ഇന്റർനെറ്റ് കണക്ഷൻ മാത്രം ഉപയോഗിക്കുക
ഏറ്റവും പുതിയ UPI തട്ടിപ്പുകളെക്കുറിച്ച് ബോധ്യമുണ്ടായിരിക്കുക
നിങ്ങളുടെ വിനിമയങ്ങൾ കൃത്യമായി മോണിറ്റർ ചെയ്യുകയും, അസ്വാഭാവിക വിനിമയങ്ങൾ ശ്രദ്ധയിൽപ്പെട്ടാൽ ഉടൻ ബാങ്കിൽ വിവരമറിയിക്കുകയും ചെയ്യുക
