ന്യൂഡല്ഹി: എല്ലാ മോഡലുകളുടെയും വില വര്ദ്ധിച്ചതായി മാരുതി സുസുക്കി പ്രഖ്യാപിച്ചു. ഡിസംബറില് പ്രഖ്യാപിക്കപ്പെട്ട വില വര്ദ്ധനവ് തിങ്കളാഴ്ചയാണ് പ്രാബല്യത്തിലായത്. ഡല്ഹി എക്സ്ഷോറും വില അടിസ്ഥാനപ്പെടുത്തി ശരാശരി വര്ദ്ധനവ് ഏകദേശം 1.1% ആണ്.
അസംസ്കൃത വസ്തുക്കളുടെ വിലവര്ധനവ് കാരണം ഉത്പാദനചെലവ് കൂടിയതായി കമ്പനി അറിയിച്ചു. ചെലവ് കുറയ്ക്കാന് പരമാവധി ശ്രമിക്കുന്നുണ്ടെങ്കിലും ഒരു പങ്ക് ഉപഭോക്താക്കളിലേയ്ക്ക് കൈമാറാതെ പിടിച്ചുനില്ക്കാനാകില്ല. എല്ലാ സിഎന്ജി വാരിയന്റുകളുടേയും സ്വിഫ്റ്റിന്റെയും വിലവര്ധിപ്പിക്കാന് 2022 ഏപ്രിലില് മാരുതി തീരുമാനിച്ചിരുന്നു.
ഈ വിഭാഗത്തില് പെട്ട മോഡലുകളില് 1.3 ശതമാനം വര്ധനവാണ് വരുത്തിയത്. ജനുവരി 2021 തൊട്ട് മാര്ച്ച് 2022 വരെ 8.8 ശതമാനം വിലകൂട്ടാന് ഇവര് തയ്യാറായിട്ടുണ്ട്.മൊത്തം ഓര്ഡര് ബുക്ക് നിലവില് ഏകദേശം 3.2 ലക്ഷം യൂണിറ്റുകളുടേതാണ്.
കഴിഞ്ഞ വര്ഷം ഇത് 4 ലക്ഷം യൂണിറ്റായിരുന്നു.
