Alt Image
കോർപ്പറേറ്റ് നികുതി സമാഹരണം 34% ഉയർന്നുസ്വാതന്ത്ര്യാനന്തര ഇന്ത്യന്‍ സമ്പദ് വ്യവസ്ഥയില്‍ വലിയ മാറ്റങ്ങള്‍ ഉണ്ടാക്കിയ ഘടകങ്ങള്‍ ഇവയാണ്സ്വാതന്ത്ര്യത്തിന്റെ 75 വർഷങ്ങൾക്കിടെ ഇന്ത്യയെ ആഗോളശക്തിയാക്കി വളർത്തിയ അഞ്ച് നേട്ടങ്ങൾ അറിയാംരാജ്യത്തെ വ്യാവസായികോത്പാദനം ജൂണില്‍ 12.3 ശതമാനമായി കുറഞ്ഞുഉപഭോക്തൃ വില സൂചിക പണപ്പെരുപ്പം 5 മാസത്തെ താഴ്ചയില്‍

സ്‌ക്കിന്‍ കെയര്‍ സ്റ്റാര്‍ട്ട്അപ്പ് മാമാ എര്‍ത്ത് ഐപിഒയ്ക്ക് ഒരുങ്ങുന്നു

ന്യൂഡല്‍ഹി: സെക്ക്വോയ കാപിറ്റലിന്റെ പിന്തുണയോടെ പ്രവര്‍ത്തിക്കുന്ന സ്‌ക്കിന്‍ കെയര്‍ സ്റ്റാര്‍ട്ട്അപ്പ് മാമാ എയര്‍ത്ത് ഐപിഒ വഴി 300 മില്ല്യണ്‍ ഡോളര്‍ സമാഹരിക്കാനൊരുങ്ങുന്നു. ഇതിനായി 3 ബില്ല്യണ്‍ ഡോളര്‍ മൂല്യനിര്‍ണ്ണയം പ്രതീക്ഷിക്കുന്നതായി കമ്പനി വൃത്തങ്ങള്‍ റോയിട്ടേഴ്‌സിനോട് പറഞ്ഞു. 2016 ല്‍ സ്ഥാപിതമായ മാമാ എര്‍ത്ത് വിഷാംശമില്ലാത്ത ഉത്പന്നങ്ങള്‍ വിപണിയിലെത്തിച്ചാണ് പ്രശസ്തി നേടിയത്.
ഫെയ്‌സ് വാഷ്, ഷാമ്പൂ, ഹെയര്‍ ഓയില്‍ തുടങ്ങിയവയാണ് പ്രധാന ഉത്പന്നങ്ങള്‍. യൂണിലിവറിന്റെ ഇന്ത്യ യൂണിറ്റായ ഹിന്ദുസ്ഥാന്‍ യൂണിലിവര്‍, പ്രോക്ടര്‍ ആന്റ് ഗാംബിള്‍ തുടങ്ങിയ കമ്പനികളാണ് മാമാ എര്‍ത്തിന്റെ എതിരാളികള്‍. ജനുവരിയില്‍ കമ്പനി സെക്വോയയില്‍ നിന്നും ബെല്‍ജിയത്തില്‍ നിന്നുള്ള സോഫിനായില്‍ നിന്നും 1.2 ബില്ല്യണ്‍ ഡോളര്‍ സമാഹരിച്ചിരുന്നു.
നിലവിലുള്ളതിന്റെ പത്ത് മടങ്ങ് അധികം വില്‍പ്പന വരുമാനം പ്രതീക്ഷിക്കുന്ന കമ്പനി ഭാവി സാധ്യതകള്‍ കണക്കിലെടുത്താണ് 3 ബില്ല്യണ്‍ മൂല്യനിര്‍ണ്ണയം തേടുന്നത്. ഈവര്‍ഷം അവസാനത്തോടെ കമ്പനി ഡ്രാഫ്റ്റ് പേപ്പര്‍ സമര്‍പ്പിക്കുമെന്നറിയുന്നു. ഇതിനായി ജെപി മോര്‍ഗന്‍ ചെയ്‌സ്, ജെഎം ഫിനാന്‍ഷ്യല്‍, കോടക് മഹീന്ദ്ര കാപിറ്റല്‍ എന്നിവരെ നടത്തിപ്പുകാരായി ചുമതലപ്പെടുത്തിയെന്നും റിപ്പോര്‍ട്ടുണ്ട്.
എന്നാല്‍ കമ്പനിയും നിക്ഷേപബാങ്കുകളും ഇക്കാര്യത്തില്‍ പ്രതികരിക്കാന്‍ തയ്യാറായിട്ടില്ല.

X
Top