മുംബൈ: നരിമാൻ പോയിന്റിൽ എയർ ഇന്ത്യയുടെ 23 നില കെട്ടിടം 1600 കോടി രൂപയ്ക്ക് മഹാരാഷ്ട്ര സർക്കാർ ഏറ്റെടുക്കാനുള്ള നടപടി അന്തിമഘട്ടത്തിലേക്ക്.
എയർ ഇന്ത്യ അസറ്റ് ഹോൾഡിങ് ലിമിറ്റഡിന്റെ ഉടമസ്ഥതയിലുള്ള കെട്ടിടം വിൽക്കുന്നതിനോട് കമ്പനി അനുകൂല നിലപാട് സ്വീകരിച്ചതായാണ് വിവരം.
എയർ ഇന്ത്യയുടെ ആസ്ഥാനം 2013ൽ ഡൽഹിക്കു മാറ്റിയതോടെയാണ് നരിമാൻ പോയിന്റിലെ കെട്ടിടത്തിലെ മിക്ക നിലകളും ഒഴിഞ്ഞത്. മഹാരാഷ്ട്ര നിയമസഭാ മന്ദിരത്തിനും സെക്രട്ടേറിയറ്റിനും അടുത്താണിത്.
സെക്രട്ടേറിയറ്റിൽ സ്ഥലപരിമിതിയുള്ളതിനാൽ കുറെ ഓഫിസുകൾ അങ്ങോട്ടു മാറ്റാമെന്ന ധാരണയിലാണ് സംസ്ഥാന സർക്കാർ ഇത് വാങ്ങാൻ ഉദ്ദേശിക്കുന്നത്.
