മുംബൈ: ഒൻഡേറോ, ഒൻഡേറോ മെറ്റ് എന്നീ ബ്രാൻഡുകൾ ഏറ്റെടുക്കുന്നതിനായി ബോഹ്‌റിംഗർ ഇംഗൽഹൈം ഇന്റർനാഷണൽ ജിഎംബിഎച്ചുമായി കരാറിൽ ഏർപ്പെട്ടതായി പ്രഖ്യാപിച്ച് ലുപിൻ. ബ്രാൻഡുകൾക്കൊപ്പം അവയുമായി ബന്ധപ്പെട്ട വ്യാപാരമുദ്ര, അവകാശങ്ങൾ എന്നിവ കമ്പനി ഏറ്റെടുക്കും.
ഒൻഡേറോ, ഒൻഡേറോ മെറ്റ് എന്നീ ബ്രാൻഡുകൾ പ്രമേഹ വിഭാഗത്തിനായുള്ള മരുന്നുകളുമായി ബന്ധപ്പെട്ടിരിക്കുന്നു. ഡയബറ്റിസ് മാനേജ്മെന്റിന് സമഗ്രമായ ചികിത്സാ ഓപ്ഷനുകൾ നൽകാൻ ഇത് കമ്പനിയെ പ്രാപ്തമാക്കും. ഈ ബ്രാൻഡുകൾ ഏറ്റെടുക്കുന്നതിനുള്ള ചെലവ് 26 മില്യൺ യൂറോയാണ്. 2023 ഓഗസ്‌റ്റോടെ ഏറ്റെടുക്കൽ പൂർത്തിയാകുമെന്ന് പ്രതീക്ഷിക്കുന്നു.
ബോഹ്‌റിംഗർ ഇംഗൽഹൈം ഇന്റർനാഷണൽ ജിഎംബിഎച്ച് എന്നത് ജർമ്മനിയിലെ നിയമങ്ങൾക്ക് കീഴിൽ സംയോജിപ്പിച്ചിട്ടുള്ള ഒരു ഫാർമസ്യൂട്ടിക്കൽ കമ്പനിയാണ്. അതിനിടെ, കമ്പനിയുടെ ഫോർമോട്ടെറോൾ ഫ്യൂമറേറ്റ് ഇൻഹാലേഷൻ സൊല്യൂഷന് യുണൈറ്റഡ് സ്റ്റേറ്റ്സ് ഫുഡ് ആൻഡ് ഡ്രഗ് അഡ്മിനിസ്‌ട്രേഷന്റെ (എഫ്ഡിഎ) അംഗീകാരം ലഭിച്ചതായി ലുപിൻ അറിയിച്ചു.
ഒരു പ്രമുഖ ഫാർമസ്യൂട്ടിക്കൽ കമ്പനിയാണ് ലുപിൻ. യുഎസ്, ഇന്ത്യ, ദക്ഷിണാഫ്രിക്ക, ഏഷ്യാ പസഫിക് (APAC), ലാറ്റിൻ അമേരിക്ക (LATAM), യൂറോപ്പ് എന്നിവ ഉൾപ്പെടെ 100-ലധികം വിപണികളിൽ ബ്രാൻഡഡ്, ജനറിക് ഫോർമുലേഷനുകൾ, ബയോടെക്നോളജി ഉൽപ്പന്നങ്ങൾ, എപിഐകൾ എന്നിവയുടെ വിപുലമായ ശ്രേണി കമ്പനി വികസിപ്പിക്കുകയും വാണിജ്യവത്കരിക്കുകയും ചെയ്യുന്നു.
