മുംബൈ: കൊട്ടക് മ്യൂച്വൽ ഫണ്ട് എല്ലാ നിക്ഷേപകർക്കും എസ്ഐപി, എസ്ടിപി, എസ്‌ഡബ്ല്യുപി എന്നിവയ്‌ക്കായി സ്മാർട്ട് സൗകര്യം ആരംഭിച്ചു. പുതിയ ഫീച്ചർ പരമ്പരാഗത എസ്ഐപി/എസ്ടിപി/എസ്‌ഡബ്ല്യുപി സൗകര്യത്തെ ഒരു പടി കൂടി മുന്നോട്ട് കൊണ്ടുപോകുന്നതായും, ഇവിടെ നിക്ഷേപകരുടെ ഇൻസ്‌റ്റാൾമെൻറ് (എസ്ഐപി/എസ്‌ടിപിയുടെ കാര്യത്തിൽ) അല്ലെങ്കിൽ പിൻവലിക്കൽ (എസ്‌ഡബ്ല്യുപിയുടെ കാര്യത്തിൽ) വിപണി മൂല്യത്തെ അടിസ്ഥാനമാക്കി വ്യത്യാസപ്പെടുന്നതായും ഫണ്ട് ഹൗസ് പറഞ്ഞു.
എല്ലാ ഓപ്പൺ-എൻഡ് ഇക്വിറ്റി സ്കീമുകൾക്കും ഇക്വിറ്റി ഇൻഡക്സ് ഫണ്ടുകൾക്കും കൊട്ടക് ഇക്വിറ്റി ഹൈബ്രിഡ് ഫണ്ടുകൾക്കും ഈ പുതിയ സൗകര്യം ലഭ്യമാണ്. മൂല്യനിർണ്ണയങ്ങൾ ചെലവേറിയതാണെങ്കിൽ ഡിഫോൾട്ട് എസ്ഐപി ഇൻ‌സ്റ്റാൾ‌മെന്റ് അടിസ്ഥാന എസ്ഐപി തുകയുടെ പകുതി (0.5x) ആയിരിക്കും, മൂല്യനിർണ്ണയങ്ങൾ വിലകുറഞ്ഞതാണെങ്കിൽ ഇൻ‌സ്റ്റാൾ‌മെന്റ് അടിസ്ഥാന എസ്ഐപി തുകയുടെ (2x) ആയിരിക്കും. ഏറ്റവും കുറഞ്ഞതും കൂടിയതുമായ എസ്ഐപി തുക തിരഞ്ഞെടുക്കാനും ഈ സൗകര്യം ഉപഭോക്താക്കളെ അനുവദിക്കും.
കൊട്ടക് ബാലൻസ്ഡ് അഡ്വാന്റേജ് ഫണ്ടിന്റെ നെറ്റ് ഇക്വിറ്റി അലോക്കേഷനിലാണ് മൂല്യനിർണ്ണയങ്ങൾ തീരുമാനിക്കുന്നത്, ഇത് അഡ്ജസ്റ്റ് ചെയ്ത ട്രെയിലിംഗ് പ്രൈസ് ടു എണിംഗ്സ് റേഷ്യോ (പി/ഇ റേഷ്യോ), ട്രെൻഡ്, സെന്റിമെന്റ് ഡാറ്റ എന്നിവയുടെ സംയോജനമാണ് ഉപയോഗിക്കുന്നത്. സിസ്റ്റമാറ്റിക് പിൻവലിക്കൽ പ്ലാൻ (എസ്‌ഡബ്ല്യുപി) വഴിയുള്ള വീണ്ടെടുക്കലിനും ഈ പ്ലാറ്റ്‌ഫോം ലഭ്യമാണ്.
