തിരുവനന്തപുരം: കൊച്ചി രാമന്തുരുത്തില് കൊച്ചിന് ഷിപ്പ് യാര്ഡിന് 18.16 ഏക്കര് സ്ഥലം ലീസിന് നല്കാന് മന്ത്രിസഭാ യോഗത്തില് തീരുമാനമായി. ഷിപ്പ് ബ്ലോക്ക് നിര്മാണത്തിനായുള്ള പദ്ധതിയാണ് നടപ്പിലാക്കുന്നത്.
5,000 കോടി രൂപയുടെ നിക്ഷേപമാണ് കൊച്ചിന് ഷിപ്പ്യാര്ഡ് അവിടെ നടത്താമെന്ന് ഏറ്റിരിക്കുന്നത്. 2,000 പേര്ക്ക് നേരിട്ടും നിരവധിയാളുകള്ക്ക് പരോക്ഷമായും തൊഴില് ലഭിക്കുമെന്നും മുഖ്യമന്ത്രി പറഞ്ഞു.
വാര്ഷിക ലീസ് തുകയായി 1.45 കോടി രൂപയും ജിഎസ്ടി ഉള്പ്പെടെ ആകെ 1.70 കോടി രൂപയും സര്ക്കാരിന് ലഭിക്കും.
നാളുകളായി തീരുമാനമാകാതെയിരുന്ന വിഷയം സര്ക്കാര് അധികാരത്തില് വന്നശേഷം തുടര് ചര്ച്ചയിലൂടെ വേഗത്തില് തീരുമാനിക്കുകയായിരുന്നു.
