കൊച്ചി: ഒന്നിന്റെ വിലയിൽ മൂന്ന് വസ്ത്രങ്ങൾ സ്വന്തമാക്കാനുള്ള അവസരം ഒരുക്കിക്കൊണ്ട് കല്യാൺ സിൽക്സ് നടത്തുന്ന ഇന്ത്യയിലെ ഏറ്റവും വലിയ കോംബോ ഉത്സവം നവംബർ 29 മുതൽ ആരംഭിച്ചു. നവംബർ 29 മുതൽ കല്യാൺ സിൽക്സിന്റെ കേരളത്തിലുടനീളമുള്ള ഷോറൂമുകളിലും ബംഗളൂരു ഷോറൂമുകളിലുമാണ് ഈ ത്രീ–ഇൻ–വൺ കോംബോ ഓഫറിന്റെ ഏറ്റവും പുതിയ പതിപ്പ് നടന്നു വരുന്നത്. ഓരോ ഷോപ്പിംഗിലും മൂന്നിരട്ടി ലാഭത്തോടെ പുതിയ ഫാഷൻ വസ്ത്രങ്ങൾ തിരഞ്ഞെടുക്കാനുള്ള അവസരമാണ് ഉപഭോക്താക്കൾക്ക് ഈ കോംബോ ഉത്സവം വഴി ലഭിക്കുന്നത്.
വിപണിയിൽ ലഭ്യമായ ഏറ്റവും പുതിയ വസ്ത്ര ശ്രേണികൾ ഒന്നിന്റെ വിലയിൽ മൂന്നെണ്ണം ലഭ്യമാക്കുക എന്ന ആശയം ടെക്സ്റ്റൈൽ റീട്ടെയിൽ രംഗത്ത് ഇന്ത്യയിൽ ആദ്യമായി അവതരിപ്പിച്ചത് കല്യാൺ സിൽക്സാണെന്നതാണ് ഈ ഉത്സവത്തിന്റെ പ്രത്യേകതയായി കമ്പനി ചൂണ്ടിക്കാണിക്കുന്നു. ഓരോ വർഷവും കോംബോ ഓഫറിന് ലഭിക്കുന്ന വർധിച്ചുവരുന്ന പിന്തുണ കണക്കിലെടുത്ത്, ഇത്തവണ കളക്ഷനുകളുടെ വീതി മുൻ വർഷങ്ങളെക്കാൾ വൻതോതിൽ ഉയർത്തിയിട്ടുണ്ടെന്നാണ് വിശദീകരണം. ടെക്സ്റ്റൈൽ റീട്ടെയിൽ മേഖലയിൽ മറ്റ് സ്ഥാപനങ്ങളിൽ നിന്ന് വ്യത്യസ്തമായ അടിസ്ഥാന സൗകര്യങ്ങളും ഉപയോഗിക്കുന്ന സാങ്കേതിക സംവിധാനങ്ങളും ഉപഭോക്താക്കൾക്ക് വിലയിൽ ലാഭം കൈമാറാൻ സഹായിക്കുന്നുവെന്ന് മാനേജ്മെന്റ് വ്യക്തമാക്കുന്നു. കൂടാതെ പ്രമുഖ മില്ലുകളുമായുള്ള ദീർഘകാല വാണിജ്യ കരാറുകൾ ഇന്ത്യയിലെ തന്നെ മത്സരാധിഷ്ഠിതമായ നിരക്കുകളിൽ വസ്ത്ര ശ്രേണികൾ ഒരുക്കുവാൻ ശക്തിനൽകുന്നുവെന്നും കല്യാൺ സിൽക്സിന്റെ ചെയർമാനും മാനേജിംഗ് ഡയറക്ടറുമായ ടിഎസ് പട്ടാഭിരാമൻ പറഞ്ഞു. ഗുണമേന്മയിലോ രൂപകല്പനയിലോ വിട്ടുവീഴ്ചയില്ലാതെ ഓരോ ഉപഭോക്താവിനും മൂന്നിരട്ടി നേട്ടം ലഭ്യമാക്കുന്ന രീതിയിൽ സ്കീം രൂപകല്പന ചെയ്തതിൽ തൃപ്തിയുണ്ടെന്നും അദ്ദേഹം കൂട്ടിച്ചേർത്തു.
സാരികളുടെ വിഭാഗത്തിൽ 899 രൂപ മുതൽ ആരംഭിക്കുന്ന സ്റ്റൈലിഷ് കോംബോ, ലേഡീസ് വെയർ വിഭാഗത്തിൽ 1249 രൂപ മുതൽ ലഭ്യമാവുന്ന ട്രെൻഡി കോംബോ, മെൻസ് വെയറിൽ 599 രൂപ മുതൽ ആരംഭിക്കുന്ന സ്മാർട്ട് കോംബോ, കിഡ്സ് വെയറിൽ 449 രൂപ മുതൽ ക്യൂട്ട് കോംബോ എന്നിവയിലൂടെ എല്ലാ പ്രധാന വസ്ത്ര വിഭാഗങ്ങളിലും മൂന്നിരട്ടി ലാഭം ഉപഭോക്താക്കൾക്ക് പ്രാപ്യമാകുന്ന രീതിയിലാണ് ഓഫർ ക്രമീകരിച്ചിരിക്കുന്നത്. ആദ്വിക സാരി, നിയാര ഡെയിലിവെയർ സാരി, ടിയ ഫാൻസി സാരി തുടങ്ങി വ്യത്യസ്ത ആവശ്യങ്ങൾക്കനുസരിച്ചുള്ള സാരികളുടെ നിര കോംബോ ഓഫറിന്റെ ഭാഗമായി ഫാഷൻ പ്രേമികൾക്ക് തിരഞ്ഞെടുക്കാം. കോട്ടൺ സ്ലിറ്റ് ചുരിദാർ, ഫാൻസി ചുരിദാർ, ഇൻഡിഗ്ലോ ചുരിദാർ തുടങ്ങിയവ ഉൾപ്പെടുന്ന നിരവധി കോംബോ സെറ്റുകളാണ് ചുരിദാർ വിഭാഗത്തിലെ പ്രധാന ആകർഷണങ്ങൾ. പെൻസിൽ ബോട്ടംസ്, നിറ്റഡ് ബോട്ടംസ്, കാഷ്വൽ ബോട്ടംസ്, ഫാൻസി കുർത്തി എന്നിവയുടെ വിപുലമായ കളക്ഷനാണ് ലേഡീസ് വെയർ സെക്ഷനിൽ ഒരുക്കിയിരിക്കുന്നത്.
മെൻസ് വെയറിൽ ജീൻസ്, ട്രൗസേഴ്സ്, കോട്ടൺ ട്രൗസർ എന്നിവ സമന്വയിപ്പിച്ച കളക്ഷനുകളാണ് കോംബോ പാക്കേജുകളിലൂടെ നൽകുന്നത്. കുട്ടികളുടെ വിഭാഗത്തിൽ ബോയ്സ് ടി-ഷർട്, കോട്ടൺ ഫ്രോക്ക്, ഗേൾസ് പലാസോ തുടങ്ങിയ ഇനങ്ങൾ നിരവധി ഡിസൈൻ, നിറ വ്യത്യാസങ്ങളോടെ ഉൾപ്പെടുത്തിയിട്ടുണ്ട്. കോംബോ ഓഫർ കാലയളവിൽ ഓരോ ഷോറൂമിലും വിഭാഗങ്ങൾ അനുസരിച്ച് പ്രത്യേക ഡിസ്പ്ലേ സെക്ഷനുകൾ ഒരുക്കിയിട്ടുണ്ടെന്നും, വിവിധ പ്രായക്കാർക്കായി പ്രത്യേകം സെഗ്മെന്റേഷനോടെ കളക്ഷനുകൾ ക്രമീകരിച്ചിട്ടുണ്ടെന്നും കമ്പനി വൃത്തങ്ങൾ അറിയിച്ചു.
