ഡൽഹി: ഡാറ്റ തയ്യാറാക്കൽ സോഫ്റ്റ്വെയർ കമ്പനിയായ ട്രൈഫാക്ട ഇങ്കിലെ ഓഹരി വിറ്റഴിച്ചതായി അറിയിച്ച് ഇന്ത്യയിലെ രണ്ടാമത്തെ വലിയ ഐടി സേവന കമ്പനിയായ ഇൻഫോസിസ്. ഇടപാടിന്റെ മൂല്യം 12 മില്യൺ ഡോളറാണെന്നും, ഓഹരി വിൽപ്പന 2022 ഓഗസ്റ്റ് 30-ന് പൂർത്തിയായതായും റെഗുലേറ്ററി ഫയലിംഗിൽ കമ്പനി അറിയിച്ചു.
ഇൻഫോസിസ് 2016 ലാണ് ട്രൈഫാക്ടയിൽ നിക്ഷേപം നടത്തിയത്. അന്നത്തെ നിക്ഷേപം 4 മില്യൺ ഡോളറായിരുന്നു. കൂടാതെ സാൻ ഫ്രാൻസിസ്കോ ആസ്ഥാനമായുള്ള കമ്പനിയുടെ കുടിശ്ശികയുള്ള ഓഹരി മൂലധനത്തിന്റെ 20 ശതമാനത്തിൽ കവിയാത്ത ഒരു ന്യൂനപക്ഷ ഓഹരി ഇൻഫോസിസിന്റെ പക്കലുണ്ട്. ചൊവാഴ്ച ഇൻഫോസിസിന്റെ ഓഹരികൾ 2.13 ശതമാനം ഉയർന്ന് 1,493.20 രൂപയിൽ വ്യാപാരം അവസാനിപ്പിച്ചു.
2012-ൽ സ്ഥാപിതമായ ട്രൈഫാക്റ്റ, സാങ്കേതികമല്ലാത്ത ഉപയോക്താക്കളെ വിശകലനത്തിനായി ഡാറ്റ എളുപ്പത്തിൽ പരിവർത്തനം ചെയ്യാൻ പ്രാപ്തമാക്കുന്ന ഡാറ്റ തയ്യാറാക്കൽ സോഫ്റ്റ്വെയർ വാഗ്ദാനം ചെയ്യുന്നു. ആക്സിൽ, ഗ്രേലോക്ക് പാർട്ണർസ്, ഇഗ്നിഷൻ, കാത്തി ഇന്നോവേഷൻ തുടങ്ങിയവയാണ് ട്രൈഫാക്ടയിലെ മറ്റ് പ്രമുഖ നിക്ഷേപകർ.
