ഗുരുഗ്രാം: ഇന്ത്യയുടെ റിയല് എസ്റ്റേറ്റ് മേഖല 2047 ല് 5-10 ട്രില്യണ് ഡോളര് വിപണിയാകുമെന്ന് കൊളിയേഴസ്-സിഐഐ റിപ്പോര്ട്ട്. ഇതോടെ മൊത്തം ജിഡിപിയുടെ (ഗ്രോസ് ഡൊമസ്റ്റിക് പ്രൊഡക്ട്) 14-20 ശതമാനം മേഖലയുടെ സംഭാവനയായിരിക്കും. നിലവിലെ മൂല്യം 0.3 ട്രില്യണ് ഡോളറിന്റേതാണ്.
‘റിയല് എസ്റ്റേറ്റ് @2047: ഇന്ത്യയുടെ ഭാവി വളര്ച്ചാ ഇടനാഴികള് നിര്മ്മിക്കല്’ എന്ന തലക്കെട്ടിലുള്ള റിപ്പോര്ട്ട്, റെസിഡന്ഷ്യല്, ഓഫീസ്, റീട്ടെയില്, വ്യാവസായിക, വെയര്ഹൗസിംഗ്, സീനിയര് ലിവിംഗ്, കോ-ലിവിംഗ്, ഡാറ്റാ സെന്ററുകള് തുടങ്ങിയ ഉയര്ന്നുവരുന്ന ഇതര ആസ്തി ക്ലാസുകളിലെ ഹ്രസ്വകാല പ്രവണതകളെയും മൊത്തത്തിലുള്ള വളര്ച്ചാ സാധ്യതകളേയും എടുത്തുകാണിക്കുന്നു.
സര്ക്കാര് നടപ്പിലാക്കുന്ന പരിഷ്ക്കാരങ്ങള്, ദ്രുതഗതിയിലുള്ള നഗരവല്ക്കരണം, ജനസംഖ്യാപരമായ മാറ്റങ്ങള്, അടിസ്ഥാന സൗകര്യ വികസനം, സാങ്കേതികവിദ്യാധിഷ്ഠിത നവീകരണം, സുസ്ഥിരതാ മുന്ഗണനകള് തുടങ്ങിയ ഉത്തേജകങ്ങളാണ് വിപണിയെ ഉയര്ത്തുക. മേഖല വളരുന്നതനുസരിച്ച് അതുത്പാദിപ്പിക്കുന്ന തൊഴിലും സാഹചര്യങ്ങളും വളരും.
ഏറ്റവും വ്യക്തമായ സ്വാധീനം റെസിഡന്ഷ്യല് വിഭാഗത്തിലായിരിക്കും.
വാണിജ്യ, വ്യാവസായിക വിഭാഗങ്ങള്ക്ക് മെച്ചപ്പെട്ട അടിസ്ഥാന സൗകര്യങ്ങള് നയിക്കുന്ന കണക്റ്റിവിറ്റി, ഡിജിറ്റലൈസേഷന്, ഹരിത മാന്ഡേറ്റുകള് എന്നിവയില് നിന്ന് പ്രയോജനം ലഭിക്കും, ഇത് ടയര് II, III നഗരങ്ങളിലുടനീളമുള്ള ഓഫീസ് ഹബ്ബുകളുടെയും നിര്മ്മാണ ക്ലസ്റ്ററുകളുടെയും വികേന്ദ്രീകരണത്തെ പിന്തുണയ്ക്കും.
സാങ്കേതിക മുന്നേറ്റങ്ങള്, പ്രത്യേകിച്ചും എഐയിലേത് ഡാറ്റ സെന്ററുകളേയും സ്മാര്ട്ട് സിറ്റി ഇന്ഫ്രാസ്ട്രക്ച്വറുകളേയും വളര്ത്തും.
