മുംബൈ: ഹൈവേ ഇന്‍ഫ്ര ഓഹരികള്‍ ചൊവ്വാഴ്ച 67 ശതമാനം പ്രീമിയത്തില്‍ ലിസ്റ്റ് ചെയ്തു. 115 രൂപയിലാണ് ഓഹരി എന്‍എസ്ഇയിലെത്തിയത്. 65-70 രൂപയായിരുന്നു ഐപിഒ വില.
117 രൂപയില്‍ ബിഎസ്ഇയിലും സ്റ്റോക്ക് ലിസ്റ്റ് ചെയ്തു. 839.13 കോടി രൂപയാണ് വിപണി മൂല്യം. കമ്പനിയുടെ 130 കോടി രൂപ ഐപിഒ നേരത്തെ 300.61 മടങ്ങ് അധികം സബ്‌സ്‌ക്രൈബ് ചെയ്യപ്പെട്ടിരുന്നു.
23.40 കോടി രൂപ ആങ്കര്‍ നിക്ഷേപകരില്‍ നിന്നും സ്വരൂപിക്കാനുമായി.മധ്യപ്രദേശ് ആസ്ഥാനമായ ടോള്‍ ഓപ്പറേറ്ററാണ് ഹൈവേ ഇന്‍ഫ്ര. മെയ് 2025 വരെ കമ്പനിയുടെ ഓര്‍ഡര്‍ ബുക്ക് 666.3 കോടി രൂപയുടേതാണ്. ഇതില്‍ 59.5 കോടി രൂപയുടെ ടോള്‍വേ കളക്ഷനും 606.8 കോടി രൂപയുടെ ഇപിസി ഇന്‍ഫ്രാ സെഗ്മെന്റും ഉള്‍പ്പെടുന്നു.
2025 സാമ്പത്തികവര്‍ഷത്തില്‍ കമ്പനി 22.4 കോടി രൂപയുടെ അറ്റദായം നേടി. മുന്‍വര്‍ഷത്തെ അപേക്ഷിച്ച് 4.6 ശതമാനം അധികം. ഇബിറ്റ 13.6 ശതമാനം ഉയര്‍ന്ന് 311.3 കോടി രൂപയുടേതായപ്പോള്‍ മാര്‍ജിന്‍ 152 ബിപിഎസ് ഉയര്‍ന്ന് 6.32 ശതമാനം.
അതേസമയം നിക്ഷേപകര്‍ ഭാഗികമായി ലാഭമെടുപ്പ് നടത്തണമെന്നും ഭാഗികമായി ദീര്‍ഘകാലത്തേയ്ക്ക് ഹോള്‍ഡ് ചെയ്യണമെന്നും അനലിസ്റ്റുകള്‍ നിര്‍ദ്ദേശിച്ചു.
