ന്യൂഡല്‍ഹി: 137 രൂപ ലക്ഷ്യവില നിശ്ചയിച്ച്, എന്‍സിസി ലിമിറ്റഡ് ഓഹരി വാങ്ങാന്‍ നിര്‍ദ്ദേശിക്കുകയാണ് എച്ച്ഡിഎഫ്സി സെക്യൂരിറ്റീസ്. നിലവിലെ വിലയേക്കാള്‍ 16 ശതമാനം അധികമാണിത്. മെയ് 26 ന് കമ്പനി ബോര്‍ഡ് 110 ശതമാനം അഥവ 2 രൂപ മുഖവിലയുള്ള ഓഹരിയ്ക്ക് 2.20 ലാഭവിഹിതത്തിന് ശുപാര്‍ശ ചെയ്തു.
ഓഗസ്റ്റ് 25 ആണ് റെക്കോര്‍ഡ് തീയതി. പ്രതീക്ഷകളെ മറികടന്ന നാലാംപാദ പ്രകടനമായിരുന്നു എന്‍സിസി ലിമിറ്റഡിന്റേത്. യഥാക്രമം 40.2/4.2/1.8 ബില്യണ്‍ രൂപയായിരുന്നു വരുമാനം/എബിറ്റ/ നികുതി കഴിച്ചുള്ള ലാഭം എന്നിവ.
മാത്രമല്ല 259 ബില്യണ്‍ രൂപയുടെ ഓര്‍ഡറും കഴിഞ്ഞ സാമ്പത്തിക വര്‍ഷത്തില്‍ ലഭ്യമായി. 2024 സാമ്പത്തികവര്‍ഷത്തില്‍ വരുമാനം 20 ശതമാനം വര്‍ദ്ധിക്കുമെന്ന് ബ്രോക്കറേജ് സ്ഥാപനനം പറയുന്നു.എബിറ്റ മാര്‍ജിന്‍ 10-10.15 ശതമാനമാകും.
