അഗ്രോകെമിക്കല് കമ്പനിയായ ജിഎസ്പി ക്രോപ് സയന്സ് ലിമിറ്റഡിന്റെ ഇനീഷ്യല് പബ്ലിക് ഓഫര് (ഐപിഒ) മാര്ച്ച് 16ന് തുടങ്ങും. മാര്ച്ച് 18 വരെയാണ് ഈ ഐപിഒ സബ്സ്ക്രൈബ് ചെയ്യാവുന്നത്. 304-320 രൂപയാണ് ഇഷ്യു വില. 46 ഓഹരികള് ഉള്പ്പെട്ടതാണ് ഒരു ലോട്ട്.
മാര്ച്ച് 20ന് ഓഹരികളുടെ അലോട്ട്മെന്റ് നടക്കും. മാര്ച്ച് 24ന് ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. ജിഎസ്പി ക്രോപ് സയന്സ് 400 കോടി രൂപയാണ് ഐപിഒ വഴി സമാഹരിക്കുന്നത്. 240 കോടി രൂപയുടെ പുതിയ ഓഹരികളുടെ വില്പ്പനയും 160 കോടി രൂപയുടെ ഓഫര് ഫോര് സെയിലും (ഒഎഫ്എസ്) ഉള്പ്പെട്ടതാണ് ഐപിഒ.
ഐപിഒ വഴി സമാഹരിക്കുന്ന തുകയില് 170 കോടി രൂപ കടം തിരിച്ചടക്കുന്നതിനും ഒരു ഭാഗം പൊതുവായ കോര്പ്പറേറ്റ് ആവശ്യങ്ങള്ക്കും വിനിയോഗിക്കും. ഐപിഒയുടെ 50 ശതമാനം നിക്ഷേപക സ്ഥാപനങ്ങള്ക്കും 15 ശതമാനം ഉയര്ന്ന ആസ്തിയുള്ള വ്യക്തികള്ക്കും 35 ശതമാനം ചില്ലറ നിക്ഷേപകര്ക്കും മാറ്റിവെച്ചിരിക്കുന്നു.
