ന്യൂഡൽഹി: ഐഡിബിഐ ബാങ്കിന്റെ ഓഹരി വിൽപ്പനയ്‌ക്കായി സർക്കാർ നിക്ഷേപകരിൽ നിന്ന് ഉടൻ പ്രാഥമിക ബിഡ്ഡുകൾ ക്ഷണിക്കുമെന്നും. ഇതിനായി സർക്കാർ ഇഒഐ രേഖയിൽ പ്രവർത്തിക്കുകയാണെന്നും ഡിപ്പാർട്ട്‌മെന്റ് ഓഫ് ഇൻവെസ്റ്റ്‌മെന്റ് ആൻഡ് പബ്ലിക് അസറ്റ് മാനേജ്‌മെന്റ് (ഡിപാം) സെക്രട്ടറി തുഹിൻ കാന്ത പാണ്ഡെ പറഞ്ഞു.
തങ്ങൾ കുറച്ചുകാലമായി ഈ ഇടപാടിലാണെന്നും. ബിഡ്ഡിംഗ് പ്രക്രിയയിലൂടെ ഒരു ബാങ്ക് സ്വകാര്യവൽക്കരിക്കുന്ന ആദ്യത്തെ ഇടപാട് കൂടിയാണിതെന്നും ഡിഐപിഎഎം സെക്രട്ടറി പറഞ്ഞു. സർക്കാരും ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യയും ചേർന്ന് ഐഡിബിഐ ബാങ്കിന്റെ 94 ശതമാനം ഓഹരികൾ കൈവശം വച്ചിട്ടുണ്ട്.
ഐഡിബിഐ ബാങ്കിന്റെ തന്ത്രപരമായ ഓഹരി വിറ്റഴിക്കലിനും മാനേജ്‌മെന്റ് നിയന്ത്രണ കൈമാറ്റത്തിനും 2021 മെയ് മാസത്തിൽ സാമ്പത്തിക കാര്യങ്ങളുടെ കാബിനറ്റ് കമ്മിറ്റി തത്വത്തിൽ അംഗീകാരം നൽകിയിരുന്നു. ഐഡിബിഐ ബാങ്ക് പ്രോംപ്റ്റ് കറക്റ്റീവ് ആക്ഷൻ (പിസിഎ) ചട്ടക്കൂടിൽ നിന്ന് പുറത്തുവന്നതിനാൽ അതിന്റെ പ്രകടനം മെച്ചപ്പെട്ടതായും. ഇത് നിക്ഷേപകർക്കിടയിൽ കൂടുതൽ താൽപ്പര്യമുണ്ടാക്കുമെന്നും കാന്ത പാണ്ഡെ കൂട്ടിച്ചേർത്തു.
2021 മാർച്ചിൽ റിസർവ് ബാങ്ക് ഓഫ് ഇന്ത്യ ഐഡിബിഐ ബാങ്കിനെ അതിന്റെ മെച്ചപ്പെടുത്തിയ റെഗുലേറ്ററി സൂപ്പർവിഷൻ പിസിഎ ചട്ടക്കൂടിൽ നിന്ന് നീക്കം ചെയ്തിരുന്നു. ഓഹരി വിറ്റഴിക്കലിലൂടെ 65,000 കോടി രൂപ സമാഹരിക്കാനാണ് സർക്കാർ ലക്ഷ്യമിടുന്നത്.
