കൊച്ചി: സംസ്ഥാനത്ത് ഇന്നും സ്വര്ണവിലയില് മാറ്റമില്ല. തുടര്ച്ചയായി നാലാം ദിനമാണ് സ്വര്ണവില നിശ്ചലമായി തുടരുന്നത്. ഈ മാസം ഒന്നിന് സ്വര്ണവില കുറഞ്ഞയില് പിന്നെ ഇതുവരെ സ്വര്ണവിലയില് അനക്കമില്ല.
സ്വര്ണം പവന് 53,360 രൂപയിലും, ഗ്രാമിന് 6,670 രൂപയിലുമാണ് വ്യാപാരം പുരോഗമിക്കുന്നത്. ഈ മാസം ഒന്നിന് രേഖപ്പെടുത്തിയ 53,560 രൂപയാണ് ഈ മാസത്തെ ഉയര്ന്ന നിരക്ക്. അതേസമയം ആഗോള വിപണിയില് സ്വര്ണത്തിലെ തിരുത്തല് തുടരുകയാണ്.
ആഗോള വിപണിയില് സവമ്പത്തിക മാന്ദ്യ ഭീതി വര്ധിച്ചെങ്കിലും ഓഹരി വിപണികള് മികച്ച നിലയില് തുടരുന്നത് സ്വര്ണത്തിന് ക്ഷീണമായി. സാമ്പത്തിക മാന്ദ്യ ഭീതി വര്ധിച്ചതോടെ ഫെഡ് നിരക്കു വര്ധനയില് അനശ്ചിതത്വം വര്ധിച്ചിട്ടുണ്ട്.
ഇതു ഡോളറിനെ ശക്തമായി തുടരാന് അനുവദിക്കുന്നു. സ്വര്ണത്തിലെ തളര്ച്ചയ്ക്കു പ്രധാന കാരണവും ഇതുതന്നെ.
നിലവില് ആഗോള വിപണയില് സ്വര്ണം ഔണ്സിന് 1,494.94 ഡോളറിലാണ് വ്യാപാരം പുരോഗമിക്കുന്നത്. ആഗോള വിപണിയിലെ വിലമാറ്റങ്ങള് ഡോളറില് ആയതിനാല് തന്നെ നേരിയ ചലനങ്ങള് പോലും പ്രാദേശിക വിപണികളില് പ്രതിഫലിക്കേണ്ടതാണ്.
പക്ഷെ പ്രാദേശിക വിപണികളില് ഉത്സവ- വിവാഹ ഡിമാന്ഡ് ശക്തമായി തുടരുന്നതിനാല് വ്യാപാരികള് വില പിടിച്ചു നിര്ത്തുന്നുവെന്ന അക്ഷേപം ശക്തമാണ്.
വരുന്ന ഞായറാഴ്ച മാസത്തെ ഏറ്റവും മികച്ച മുഹൂര്ത്തമാണെന്ന് കരുതപ്പെടുന്നു. ഗുരുവായൂര് അമ്പലത്തിലടക്കം റെക്കോഡ് വിവാഹ ബുക്കിംഗുകളാണ് അന്നേ ദിവസമുള്ളത്.
ഇതുവരെ വില മുകളില് പിടിച്ചു നിര്ത്തിയേക്കുമെന്നു കരുതപ്പെടുന്നു. ഇതിനു പിന്നാലെ ഓണം, വിനായക ചതുര്ത്ഥി, ദീപാവലി അടക്കമുള്ള അഘോഷങ്ങള് എത്തുന്നു. ഉത്സവകാലത്ത് സ്വര്ണവില മുകളില് തുടരുന്നത് പതിവാണ്.
നിലവിലെ സാഹചര്യത്തില് ആഭരണ പ്രിയര് ഇളവുകള് ഉപയോഗപ്പെടുത്തുന്നതാണ് നല്ലത്. ബുക്കിംഗുകള് സ്വീകരിക്കുക. ബുക്കിംഗുകള് വഴി വില കുതിച്ചാല് ബുക്കിംഗ് നിരക്കിലും, വില കുറഞ്ഞാല് വിപണി നിരക്കിലും സ്വര്ണം സ്വന്തമാക്കാം.
നിക്ഷേപകര് ഒരു തിരുത്തലിനു വേണ്ടി കാത്തിരിക്കുന്നത് നല്ലതാണ്. പക്ഷെ ഉത്സവ സീസണ് കണക്കിലെടുക്കുമ്പോള് തിരുത്തല് വൈകിയേക്കാം. അതിനാല് ആവറേജിംഗിനുള്ള പണം കരുതി നിക്ഷേപങ്ങള് നടത്തുന്നതില് തെറ്റില്ല.
സംസ്ഥാനത്ത് ഇന്നു വെള്ളി വിലയിലും മാറ്റമില്ല. വെള്ളി ഗ്രാമിന് 89.90 രൂപയാണ്. എട്ട് ഗ്രാം വെള്ളിക്ക് 719.20 രൂപയും, 10 ഗ്രാം വെള്ളിക്ക് 899 രൂപയുമാണ്. വെള്ളി കിലോയ്ക്ക് 89,900 രൂപയാണ്.
സ്വര്ണവിലയിലെ കുതിപ്പ് വെള്ളി വിലയിലും പ്രകാശിക്കുന്നുണ്ട്. വെ്ള്ളിയുടെ ആഭരണ, നിക്ഷേപ, വ്യാവസായിക ഡിമാന്ഡ് മുകളിലോട്ടാണ്. ദീര്ഘകാലത്ത് സ്വര്ണത്തെ വെട്ടിച്ച നിക്ഷേപം കൂടിയാണ് വെള്ളി.
