സംസ്ഥാനത്തെ സ്വർണ്ണ വിലയിൽ (Gold Rate) കുറവ്. പവന് 80 രൂപയും ഗ്രാമിന് 10 രൂപയുമാണ് വില താഴ്ന്നത്. രാജ്യാന്തര തലത്തിൽ, സ്വർണ്ണം (International Gold Rate) വ്യാഴാഴ്ച്ച രാവിലെ ചെറിയ നേട്ടത്തിലാണ് വ്യാപാരം നടത്തുന്നത്. കേരളത്തിലെ വെള്ളി വിലയിൽ (Silver Rate) ഇന്ന് ഉയർച്ചയുണ്ട്.
ഇന്നലെ സംസ്ഥാനത്തെ സ്വർണ്ണ വില വർധിച്ചിരുന്നു. പവന് 280 രൂപയും, ഗ്രാമിന് 35 രൂപയുമായിരുന്നു കൂടിയത്. ഒരു പവന് 53,720 രൂപയും, ഗ്രാമിന് 6,715 രൂപയുമായിരുന്നു ഇന്നലത്തെ വില.ഇത് ഈ മാസത്തെ രണ്ടാമത്തെ ഉയർന്ന വിലയാണ്. മൂന്ന് ദിവസം വിലയിൽ മാറ്റമില്ലാതെ നിന്നതിന് ശേഷമാണ് ഇന്നലെ വില കൂടിയത്.
സെപ്തംബർ 6ാം തിയ്യതി, പവന് 53,760 രൂപയും, ഗ്രാമിന് 6,720 രൂപയുമായിരുന്നു വില. ഇത് സെപ്തംബറിലെ ഉയർന്ന നിരക്കാണ്. ഇതിന് മുമ്പുള്ള 5 ദിവസങ്ങളിലും, കഴിഞ്ഞ വാരം മുഴുവൻ ഒരു പവന് 53,360 രൂപയും, ഗ്രാമിന് 6,670 രൂപയുമായിരുന്നു വില. ഇതാണ് ഈ മാസത്തെ താഴ്ന്ന വില നിലവാരം.
ആഗോള സ്വർണ്ണവില
അന്താരാഷ്ട്ര തലത്തിൽ, വ്യാഴാഴ്ച്ച രാവിലെ ചെറിയ നേട്ടത്തിലാണ് സ്വർണ്ണ വ്യാപാരം നടക്കുന്നത്. ട്രോയ് ഔൺസിന് 4.50 ഡോളർ (0.018%) ഉയർന്ന് 2,516.78 ഡോളർ എന്നതാണ് നിരക്ക്.
നിലവിൽ സാങ്കേതികമായി 2,500 ഡോളർ നിലവാരം മറികടന്നാണ് സ്വർണ്ണ വ്യപാരം നടക്കുന്നത്.
സെപ്തംബർ 17,18 തിയ്യതികളിൽ നടക്കുന്ന ഫെഡ് യോഗത്തിന് മുന്നോടിയായി സ്വർണ്ണ വിലയിൽ ചാഞ്ചാട്ടം ഉണ്ടാകുമെന്നാണ് അനലിസ്റ്റുകൾ വിലയിരുത്തുന്നത്. ഫെഡ് യോഗത്തിൽ 50 ബേസിസ് പോയിന്റെങ്കിലും പലിശ കുറച്ചാൽ സ്വർണ്ണ വില പുതിയ ഉയരങ്ങൾ താണ്ടിയേക്കും.
നിലവിൽ ആഗസ്റ്റ് 20ന് രേഖപ്പെടുത്തിയ ഔൺസിന് 2,531.70 ഡോളർ എന്നതാണ് രാജ്യാന്തര സ്വർണ്ണ വിലയുടെ ചരിത്രത്തിലെ സർവ്വകാല ഉയരം
വെള്ളി വില
സംസ്ഥാനത്തെ വെള്ളിവിലയിൽ ഇന്ന് വർധന. ഒരു ഗ്രാം വെള്ളിക്ക് 91.60 രൂപയാണ് വില. 8 ഗ്രാമിന് 732.80 രൂപ,10 ഗ്രാമിന് 916 രൂപ,100 ഗ്രാമിന് 9,160 രൂപ, ഒരു കിലോഗ്രാമിന് 91,600 രൂപ എന്നിങ്ങനെയാണ് നിരക്കുകൾ.
ഇന്ന് ഒരു കിലോ വെള്ളിക്ക് 100 രൂപയാണ് വില കൂടിയത്.
