Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

ഐപിഒയ്ക്കായി കരട് രേഖകള്‍ സമര്‍പ്പിച്ച് ഗാന്ധര്‍ റിഫൈനറി

മുംബൈ: ഗാന്ധര്‍ ഓയില്‍ റിഫൈനറി പ്രാരംഭ പബ്ലിക് ഓഫറിംഗി(ഐപിഒ)നായി ഡ്രാഫ്റ്റ് റെഡ് ഹെറിംഗ് (ഡിആര്‍എച്ച്പി) സമര്‍പ്പിച്ചു. 357 കോടി രൂപയുടെ ഫ്രഷ് ഇഷ്യുവും പ്രമോട്ടര്‍മാരുടേയും ഓഹരിയുടമകളുടേയും 1.2 കോടി ഓഹരികള്‍ വിറ്റഴിക്കുന്ന ഓഫര്‍ ഫോര്‍ സെയിലുമാണ് (ഒഎഫ്എസ്) ഐപിഒ.

ഏതാണ്ട് 500 കോടി രൂപയോളം ഒഎഫ്എസ് വഴി സ്വരൂപിക്കപ്പെടും. പ്രമോട്ടര്‍മാരായ രമേഷ് ബാബുലാല്‍ പരേഖ്, കൈലാഷ് പരേഖ്, ഗുലാബ് പരേഖ് എന്നിവരും ഷെയര്‍ഹോള്‍ഡര്‍മാരായ ഫ്‌ലീറ്റ് ലൈന്‍ ഷിപ്പിംഗ് സര്‍വീസസ് എല്‍എല്‍സി, ഐഡിഎഫ്‌സി ഫസ്റ്റ് ബാങ്ക് ലിമിറ്റഡ്, ഡെന്‍വര്‍ ബ്ലഡ്ഗ് മാറ്റ് & ഡികോര്‍ ടിആര്‍ എല്‍എല്‍സി, ഗ്രീന്‍ ഡെസേര്‍ട്ട് റിയല്‍ എസ്റ്റേറ്റ് ബ്രോക്കര്‍മാര്‍ എന്നിവരുമാണ് ഒഎഫ്എസില്‍ ഓഹരികള്‍ വാഗ്ദാനം ചെയ്യുന്നത്. ഫ്രഷ് ഇഷ്യുവഴി ലഭ്യമാകുന്ന തുക കടം വീട്ടുന്നതിനും സില്‍വാസ പ്ലാന്റിലെ ഓട്ടോമോട്ടീവ് ഓയിലിന്റെ ശേഷി വര്‍ദ്ധിപ്പിക്കുന്നതിനും ആവശ്യമായ ഉപകരണങ്ങള്‍ വാങ്ങുന്നതിനും സിവില്‍ ജോലികള്‍ക്കും ഉപയോഗിക്കും.

കൂടാതെ, കമ്പനിയുടെ തലോജ പ്ലാന്റിന്റെ ശേഷി വര്‍ധിപ്പിക്കുന്നതിനും പ്രവര്‍ത്തന മൂലധന ആവശ്യങ്ങള്‍ക്കായും ഉപയോഗപ്പെടുത്തും. ഗന്ധര്‍ ഓയില്‍ റിഫൈനറി, ഉപഭോക്തൃ, ആരോഗ്യ സംരക്ഷണ വ്യവസായത്തില്‍ പ്രവര്‍ത്തിക്കുന്ന കമ്പനിയാണ്. വൈറ്റ് ഓയിലുകളുടെ മുന്‍നിര നിര്‍മ്മാതാക്കളാണ്.

വ്യക്തിഗത പരിചരണം, ആരോഗ്യ സംരക്ഷണം, ഓയിലുകള്‍, ലൂബ്രിക്കന്റുകള്‍, പ്രോസസ് ആന്‍ഡ് ഇന്‍സുലേറ്റിംഗ് ഓയില്‍ ഡിവിഷനുകളിലായി 350-ലധികം ഉല്‍പ്പന്നങ്ങള്‍ പുറത്തിറക്കുന്നു. എഡല്‍വീസ് ഫിനാന്‍ഷ്യല്‍ സര്‍വീസസ്, ഐസിഐസിഐ സെക്യൂരിറ്റീസ് എന്നീ സ്ഥാപനങ്ങളാണ് ഐപിഒയുടെ മര്‍ച്ചന്റ് ബാങ്കര്‍മാരായി പ്രവര്‍ത്തിക്കുന്നത്.

X
Top