Alt Image
കോർപ്പറേറ്റ് നികുതി സമാഹരണം 34% ഉയർന്നുസ്വാതന്ത്ര്യാനന്തര ഇന്ത്യന്‍ സമ്പദ് വ്യവസ്ഥയില്‍ വലിയ മാറ്റങ്ങള്‍ ഉണ്ടാക്കിയ ഘടകങ്ങള്‍ ഇവയാണ്സ്വാതന്ത്ര്യത്തിന്റെ 75 വർഷങ്ങൾക്കിടെ ഇന്ത്യയെ ആഗോളശക്തിയാക്കി വളർത്തിയ അഞ്ച് നേട്ടങ്ങൾ അറിയാംരാജ്യത്തെ വ്യാവസായികോത്പാദനം ജൂണില്‍ 12.3 ശതമാനമായി കുറഞ്ഞുഉപഭോക്തൃ വില സൂചിക പണപ്പെരുപ്പം 5 മാസത്തെ താഴ്ചയില്‍

ഫോബ്സ് പട്ടികയിലെ ആദ്യ പത്തിൽ നിന്ന് മുകേഷ് അംബാനി പുറത്ത്

മുംബൈ: ലോകത്തിലെ ഏറ്റവും മികച്ച 10 ശതകോടീശ്വരന്മാരുടെ പുതിയ പട്ടികയിൽ ആദ്യ പത്ത് സ്ഥാനങ്ങളിൽ മുകേഷ് അംബാനിയില്ല. എന്നാൽ ഇന്ത്യൻ വ്യവസായി അദാനി ഗൗതം അദാനി അഞ്ചാം സ്ഥാനത്തുണ്ട്. ടെസ്‌ല സിഇഒ എലോൺ മസ്‌ക് 237.9 ബില്യൺ ഡോളർ ആസ്തിയോടെ ഒന്നാം സ്ഥാനത്ത് തുടരുന്നു. ജെഫ് ബെസോസും ബെർണാഡ് അർണോൾട്ടും തമ്മിൽ ഇഞ്ചോടിഞ്ച് പോരാട്ടമാണ് നടക്കുന്നത്. മുതിർന്ന നിക്ഷേപകൻ വാറൻ ബഫറ്റ് സമ്പന്നരുടെ പട്ടികയിൽ ഒമ്പതാം സ്ഥാനത്തേക്ക് പിന്തള്ളപ്പെട്ടു.
ഏഷ്യയിലെ ഏറ്റവും വലിയ രണ്ടാമത്തെ സമ്പന്നനും ദീർഘകാലം ലോകത്തിലെ ഏറ്റവും വലിയ ശതകോടീശ്വരന്മാരിൽ ഒരാളുമായിരുന്നു മുകേഷ് അംബാനി. സമ്പത്തിലുണ്ടായ ഇടിവ് കാരണം ഇപ്പോൾ റിലയൻസ് ചെയർമാൻ 11-ാം സ്ഥാനത്തേക്കാണ് പിന്തള്ളപ്പെട്ടത്. ഫോർബ്സ് റിയൽ ടൈം സൂചിക പ്രകാരം അംബാനിയുടെ ആസ്തി ഇപ്പോൾ 87.4 ബില്യൺ ഡോളറായി കുറഞ്ഞു. 88.1 ബില്യൺ ഡോളർ ആസ്തിയാണ് പത്താം സ്ഥാനത്തുള്ളയാൾക്ക് ഉള്ളത്. ആദ്യ 10 സമ്പന്നരുടെ പട്ടികയിലുൾപ്പെട്ടിട്ടുള്ള രണ്ടാമത്തെ ഇന്ത്യൻ വ്യവസായിയാണ് ഇപ്പോൾ അഞ്ചാം സ്ഥാനത്തുള്ള ഗൗതം അദാനി.
മുകേഷ് അംബാനിയുടെയും, ഗൗതം അദാനിയുടെയും ആസ്തിയിൽ 17.6 ബില്യൺ ഡോളറിന്റെ അന്തരമുണ്ട്. എന്നിരുന്നാലും, അംബാനിയുടെ റിലയൻസ് ഇൻഡസ്ട്രീസ് ലിമിറ്റഡ് (ആർ‌ഐ‌എൽ) ഇപ്പോഴും വിപണി മൂല്യത്തിൽ മുന്നിലാണ്.
149.3 ബില്യൺ ഡോളർ ആസ്തിയുമായി ഫ്രഞ്ച് ശതകോടീശ്വരൻ ബെർണാഡ് അർനോൾട്ട് രണ്ടാം സ്ഥാനത്തും, 141.2 ബില്യൺ ഡോളറുമായി ആമസോണിന്റെ ജെഫ് ബെസോസ് മൂന്നാം സ്ഥാനത്തുമാണ്. അതേസമയം, 124.6 ബില്യൺ ഡോളറിന്റെ ആസ്തിയുമായി മൈക്രോസോഫ്റ്റിന്റെ ബിൽ ഗേറ്റ്‌സ് പട്ടികയിൽ നാലാം സ്ഥാനത്താണ്.
102.6 ബില്യൺ ഡോളറുമായി ലാറി പേജ് ആറാം സ്ഥാനത്തും, 99 ബില്യൺ ഡോളറിന്റെ ആസ്തിയുമായി ലാറി എലിസൺ ഏഴാം സ്ഥാനത്തുമുണ്ട്. 98.6 ബില്യൺ ഡോളറിന്റെ ആസ്തിയുള്ള സെർജി ബ്രിൻ എട്ടാം സ്ഥാനത്ത് നിൽക്കുന്നു. സമ്പത്തിലെ ചാഞ്ചാട്ടം മുതിർന്ന നിക്ഷേപകനായ വാറൻ ബഫെറ്റിന്റെ ആസ്തിയിൽ വലിയ സ്വാധീനം ചെലുത്തുകയും അദ്ദേഹം ആദ്യ 10 പട്ടികയിൽ ഒമ്പതാം സ്ഥാനത്തേക്ക് പിന്തള്ളപ്പെടുകയും ചെയ്തു 88.1 ബില്യൺ ഡോളറുമായി സ്റ്റീവ് ബാൽമർ പത്താം സ്ഥാനത്തെത്തി.

X
Top