ന്യൂഡൽഹി: നിലവിലുള്ള നിക്ഷേപകനായ ഫയർസൈഡ് വെഞ്ചേഴ്സിന്റെ നേതൃത്വത്തിലുള്ള പ്രീ-സീരീസ് ബി ഫണ്ടിംഗ് റൗണ്ടിൽ 50 കോടി രൂപ സമാഹരിച്ച് ഉപഭോക്തൃ കമ്പനിയായ ഫേബിൾ സ്ട്രീറ്റ് ലൈഫ് സ്റ്റൈൽ സൊല്യൂഷൻസ് . വെസ്റ്റേൺ വെയർ ബ്രാൻഡുകളായ എഫ്എസ് ലൈഫ്, ഫേബിൾസ്ട്രീറ്റ്, മാരിഗോൾഡ്, മൈക്കോട്ടോ എന്നിവയുടെ ഉടമസ്ഥരാണ് കമ്പനി.
ഗസൽ അലഗ്, ദി മോംസ് കമ്പനിയുടെ സ്ഥാപകയായ മാലിക സദാനി, ഓഫ് ബിസിനസ്സ് സഹസ്ഥാപക രുചി കൽറ, കാർസ്24-ന്റെ സഹസ്ഥാപകരായ മെഹുൽ അഗർവാൾ, വിക്രം ചോപ്ര എന്നിവരും ഈ ഫണ്ടിംഗ് റൗണ്ടിൽ പങ്കെടുത്തു.
2016ൽ പ്രവർത്തനം ആരംഭിച്ചതിന് ശേഷമുള്ള കമ്പനിയുടെ മൂന്നാമത്തെ ധന സമാഹരണമാണിത്. നിലവിലെ ബ്രാൻഡുകൾ വർധിപ്പിക്കാനും പുതിയ ബ്രാൻഡുകൾ ആരംഭിക്കാനും ഈ സമാഹരിച്ച മൂലധനം ഉപയോഗിക്കുമെന്ന് സ്റ്റാർട്ടപ്പ് അറിയിച്ചു.
ആയുഷി ഗുഡ്വാനി 2016-ൽ സ്ഥാപിച്ച ഈ കമ്പനി ഒരു പ്രീമിയം വർക്ക്-വെയർ ബ്രാൻഡായി ആണ് അതിന്റെ പ്രവർത്തനം ആരംഭിച്ചത്. ഡെൽഹി, മുംബൈ, ബെംഗളൂരു എന്നി നഗരങ്ങളാണ് കമ്പനിയുടെ വിൽപ്പനയുടെ 55% സംഭാവന ചെയ്യുന്നത്.
