ന്യൂഡൽഹി: അടുത്ത 6 വർഷം 91,600 പേർക്ക് തൊഴിൽ സൃഷ്ടിക്കാൻ കൂടി ലക്ഷ്യമിട്ടുള്ള ഇലക്ട്രോണിക്സ് ഘടക നിർമാണ പ്രോത്സാഹന പദ്ധതി സംബന്ധിച്ച് കേന്ദ്രം വിജ്ഞാപനമിറക്കി.
രണ്ട് ആഴ്ചയ്ക്കകം കമ്പനികളിൽ നിന്ന് അപേക്ഷ ക്ഷണിക്കാനുള്ള പോർട്ടൽ തുറക്കും. 23,919 കോടി രൂപയുടേതാണ് പദ്ധതി.
അടുത്ത 6 വർഷത്തിനിടെ ഇതുവഴി 91,600 പേർക്ക് തൊഴിൽ ലഭിക്കുമെന്നാണ് പ്രതീക്ഷയെന്ന് കേന്ദ്രമന്ത്രി അശ്വിനി വൈഷ്ണവ് പറഞ്ഞു.
59,350 കോടി രൂപയുടെ നിക്ഷേപമാണ് ഇതുവഴി കേന്ദ്രം പ്രതീക്ഷിക്കുന്നത്. ടെലികോം, ഓട്ടമൊബീൽ, മെഡിക്കൽ ഡിവൈസസ് അടക്കം വിവിധ മേഖലകളിൽ ഈ പദ്ധതി ഗുണം ചെയ്യും.
ഇന്ത്യയിൽ ഉൽപാദനത്തിന് തയാറാകുന്ന കമ്പനികൾക്ക് വിവിധ ആനുകൂല്യങ്ങൾ സർക്കാർ നൽകും. തൊഴിൽ സൃഷ്ടിക്കുന്നതിന്റെ തോത് വച്ച് എംപ്ലോയ്മെന്റ് ബന്ധിത ആനുകൂല്യങ്ങളുമുണ്ടാകും.
