മുംബൈ: രണ്ട് പുതിയ ടാർഗെറ്റ് മെച്യൂരിറ്റി ഇൻഡക്‌സ് ഫണ്ടുകൾ പുറത്തിറക്കി എഡൽവീസ് അസറ്റ് മാനേജ്‌മെന്റ് ലിമിറ്റഡ്. എഡൽവെയ്‌സ് ക്രിസിൽ ഐബിഎക്‌സ് 50:50 ഗിൽറ്റ് പ്ലസ് എസ്ഡിഎൽ ജൂൺ 2027, എഡൽവെയ്‌സ് ക്രിസിൽ ഐബിഎക്‌സ് 50:50 ഗിൽറ്റ് പ്ലസ് എസ്ഡിഎൽ ഏപ്രിൽ 2037 ഇൻഡക്‌സ് ഫണ്ട് എന്നി രണ്ട് ഫണ്ടുകളാണ് അവതരിപ്പിച്ചത്.
ഇവ ഇന്ത്യൻ ഗവൺമെന്റ് ബോണ്ടുകളുടെയും സംസ്ഥാന വികസന വായ്പകളുടെയും (എസ്ഡിഎൽ) മിശ്രിതത്തിൽ നിക്ഷേപിക്കും. ഈ ഫണ്ടുകൾക്കായുള്ള ഏറ്റവും കുറഞ്ഞ നിക്ഷേപ തുക 5000 രൂപയാണ്. രണ്ട് ഫണ്ടുകൾക്കും ഒരു നിശ്ചിത മെച്യൂരിറ്റി തീയതി ഉണ്ടായിരിക്കും.
എഡൽവെയ്‌സ് ക്രിസിൽ ഐബിഎക്‌സ് 50:50 ഗിൽറ്റ് പ്ലസ് എസ്ഡിഎൽ ഏപ്രിൽ 2037 ഇൻഡക്‌സ് ഫണ്ടിനായുള്ള പുതിയ ഫണ്ട് ഓഫർ 2022 സെപ്റ്റംബർ 27 നും ഒക്ടോബർ 6 നും ഇടയിൽ സബ്‌സ്‌ക്രിപ്‌ഷനായി തുറന്നിരിക്കും. അതേസമയം എഡൽവെയ്‌സ് ക്രിസിൽ ഐബിഎക്‌സ് 50:50 ഗിൽറ്റ് പ്ലസ് എസ്ഡിഎൽ ജൂൺ 2027 ഇൻഡക്‌സ് ഫണ്ട് ഒക്ടോബർ 2-ന് സബ്‌സ്‌ക്രിപ്‌ഷനായി തുറന്ന് ഒക്ടോബർ 11ന് അടയ്ക്കും.
രണ്ട് സ്കീമുകളും യഥാക്രമം ക്രിസിൽ ഐബിഎക്‌സ് 50:50 ഗിൽറ്റ് പ്ലസ് എസ്ഡിഎൽ ഇൻഡക്‌സിന്റെ ഘടകങ്ങളിൽ നിക്ഷേപിക്കുന്ന ഓപ്പൺ-എൻഡ് ടാർഗെറ്റ് മെച്യൂരിറ്റി ഇൻഡക്‌സ് ഫണ്ടാണ്. ഈ ഫണ്ടുകൾക്ക് താരതമ്യേന ഉയർന്ന പലിശ നിരക്കും, കുറഞ്ഞ ക്രെഡിറ്റ് റിസ്കും ഉണ്ടാകും.
