മുംബൈ: എലിവേഷൻ ക്യാപിറ്റൽ, ജംഗിൾ വെഞ്ച്വേഴ്‌സ്, വെഞ്ച്വർ ഹൈവേ എന്നിവയുടെ നേതൃത്വത്തിലുള്ള പുതിയ ഫണ്ടിംഗ് റൗണ്ടിന്റെ ഭാഗമായി 15 മില്യൺ ഡോളർ സമാഹരിച്ച് ബിസിനസ്സുകൾക്കായുള്ള സാമ്പത്തിക മോഡലിംഗ് സോഫ്റ്റ്വെയർ ദാതാവായ ഡ്രൈവ്ട്രെയിൻ എഐ.
വാട്ട്‌ഫിക്‌സിന്റെ അമിത് ശർമ്മ, ചാർജ്ബിയുടെ കൃഷ് സുബ്രഹ്മണ്യൻ, കാർത്തിക് ശ്രീനിവാസൻ എന്നിവർ ഉൾപ്പെടെ 25-ലധികം സ്റ്റാർട്ടപ്പ് സ്ഥാപകരും ഉപദേശകരും ഈ ഫണ്ടിംഗ് റൗണ്ടിൽ പങ്കെടുത്തു. ഉൽപ്പന്ന വികസനം ത്വരിതപ്പെടുത്തുന്നതിനും ഗോ-ടു-മാർക്കറ്റ് ടീം വിപുലീകരിക്കുന്നതിനും ഫണ്ട് ഉപയോഗിക്കുമെന്ന് കമ്പനി അറിയിച്ചു.
2021-ൽ അലോക് ഗോയൽ, താരകേശ്വർ താക്കൂർ, സൗരവ് ഭഗത് എന്നിവർ ചേർന്ന് സ്ഥാപിച്ച ഡ്രൈവ്ട്രെയിൻ എഐ, ബിസിനസുകളെ അവരുടെ നിലവിലെ ആരോഗ്യം അളക്കാനും അവരുടെ പ്രവർത്തനങ്ങളുടെ ഭാവി ആഘാതം പ്രവചിക്കാനും സഹായിക്കുന്നു. ഇത് തത്സമയം മികച്ച തീരുമാനങ്ങൾ എടുക്കാൻ ബിസിനസുകളെ പ്രാപ്തമാക്കുന്നു.
കൂടാതെ സ്റ്റാർട്ടപ്പുകളെ സംയോജിത പദ്ധതികൾ, ബജറ്റുകൾ, പ്രവചനങ്ങൾ എന്നിവ നിർമ്മിക്കാനും ലക്ഷ്യങ്ങൾക്കെതിരായ അവരുടെ പുരോഗതി ട്രാക്കുചെയ്യാനും വളർച്ചയുടെ തടസ്സങ്ങൾ തിരിച്ചറിയാനും കഴിയുന്ന സോഫ്റ്റ്വെയർ പ്ലാറ്റ്ഫോം ഡ്രൈവ്ട്രെയിൻ എഐ വാഗ്ദാനം ചെയ്യുന്നു. സെയിൽസ്‌ഫോഴ്‌സ്, നെറ്റ്‌സ്യൂട്ട്, ക്വിക്ക്‌ബുക്കുസ്, വർക്ക്‌ഡേ, ലുക്കർ എന്നിവയുൾപ്പെടെയുള്ള 200-ലധികം ബിസിനസ്സ് ടൂളുകളുമായി പ്ലാറ്ഫോം സംയോജിപ്പിച്ചിക്കുന്നു.
കഴിഞ്ഞ വർഷം സീഡ് ഫണ്ടിംഗിൽ സ്റ്റാർട്ടപ്പ് വെളിപ്പെടുത്താത്ത തുക സമാഹരിച്ചു.
