മുംബൈ: എക്സ് ഡിവിഡന്റ് ദിവസമായ ചൊവ്വാഴ്ച, ഡോളി ഖന്ന പോര്ട്ട്ഫോളിയോ ഓഹരി മോണ്ടി കാര്ലോ 5 ശതമാനം ഉയര്ന്നു. 4.7 ശതമാനം നേട്ടത്തില് 872.10 രൂപയിലാണ് സ്റ്റോക്ക് വ്യാപാരത്തിലുള്ളത്. വസ്ത്ര നിര്മ്മാതാക്കളും ചെറുകിട വില്പ്പനക്കാരുമാണ് കമ്പനി.
10 രൂപ മുഖവിലയുള്ള ഓഹരിയ്ക്ക് 20 രൂപ (200%) അവസാന ലാഭവിഹിതമാണ് മോണ്ടികാര്ലോ പ്രഖ്യാപിച്ചിരുന്നത്. സെപ്തംബര് 21 ആണ് റെക്കോര്ഡ് തീയതി. അതുകൊണ്ടുതന്നെ ചൊവ്വാഴ്ച ഓഹരി എക്സ് ഡിവിഡന്റായി.
കഴിഞ്ഞ ഒരു വര്ഷത്തില് 160 ശതമാനവും 2 വര്ഷത്തില് 350 ശതമാനവും ഉയര്ന്ന ഓഹരിയാണ് ഇത്. ഈ വര്ഷം ഇതുവരെ 75 ശതമാനം നേട്ടമുണ്ടാക്കി. ജൂണ് പാദ ഷെയര് ഹോള്ഡിംഗ് പാറ്റേണ് പ്രകാരം ചെന്നൈയില് നിന്നുള്ള നിക്ഷേപക ഡോളി ഖന്ന 23,69.032 ഓഹരികള് കൈവശം വയ്ക്കുന്നു.
1.8 ശതമാനം ഓഹരി പങ്കാളിത്തവും 589.7 കോടിയുടെ നിക്ഷേപവുമാണിത്.
