മുംബൈ: 2025ൽ ഇതുവരെയുള്ള മ്യൂച്വൽ ഫണ്ടുകളുടെ പ്രകടനം വിലയിരുത്തുമ്പോൾ നേട്ടത്തിൽ മുന്നിൽ നിൽക്കുന്നത് പ്രതിരോധ ഫണ്ടുകളാണ്.
ഈ വർഷം ഇതുവരെ പ്രതിരോധ ഫണ്ടുകൾ നൽകിയ ശരാശരി നേട്ടം 30.23 ശതമാനമാണ്. മ്യൂച്വൽ ഫണ്ടുകളുടെ 70 ശതമാനവും ഈ വർഷം നേട്ടം നൽകി.
പ്രതിരോധ ഫണ്ടുകൾ കഴിഞ്ഞാൽ നേട്ടത്തിൽ മുന്നിൽ നിൽക്കുന്നത് ഗോൾഡ് ഫണ്ടുകളാണ്. ഈ വർഷം ഇതുവരെ ഗോൾഡ് ഫണ്ടുകൾ 24.42 ശതമാനം നേട്ടമാണ് നൽകിയത്.
ഒരു വർഷത്തെ നേട്ടം കണക്കിലെടുത്താൽ ഗോൾഡ് ഫണ്ടുകളാണ് മുന്നിൽ. കഴിഞ്ഞ ഒരു വർഷക്കാലയളവിൽ ഗോൾഡ് ഫണ്ടുകൾ നൽകിയ ശരാശരി നേട്ടം 30.3 ശതമാനമാണ്.
ബിഎഫ്എസ്ഐ ഫണ്ടുകൾ ഇക്കാലയളവിൽ 15.69 ശതമാനവും ഡിഫൻസ് ഫണ്ടുകൾ 12.4 ശതമാനവും നേട്ടം നൽകി.
കഴിഞ്ഞ മൂന്നുവർഷത്തെ നേട്ടം കണക്കിലെടുത്താലും ഗോൾഡ് ഫണ്ടുകളാണ് മുന്നിൽ നിൽക്കുന്നത്.
21.48 ശതമാനം പ്രതിവർഷനേട്ടമാണ് കഴിഞ്ഞ മൂന്നുവർഷത്തിനിടെ ഗോൾഡ് ഫണ്ടുകൾ നൽകിയത്.
