കൊച്ചി: ഡീ ഡെവലപ്മെന്റ് എഞ്ചിനീയേഴ്സ് ലിമിറ്റഡിന്റെ പ്രാഥമിക ഓഹരി വില്പന (ഐപിഒ) 2024 ജൂണ് 19 മുതല് 21 വരെ നടക്കും.
325 കോടി രൂപയുടെ പുതിയ ഇക്വിറ്റി ഓഹരികളും പ്രമോട്ടര്മാരുടെ 45,82,000 ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്. പത്ത് രൂപ മുഖവിലയുള്ള ഓഹരി ഒന്നിന് 193 രൂപ മുതല് 203 രൂപവരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്.
കുറഞ്ഞത് 73 ഇക്വിറ്റി ഓഹരികള്ക്കും തുടര്ന്ന് 73ന്റെ ഗുണിതങ്ങള്ക്കും അപേക്ഷിക്കാം. ഒരു കോടി രൂപയുടെ ഓഹരികള് അര്ഹരായ ജീവനക്കാര്ക്കായി മാറ്റിവെച്ചിട്ടുണ്ട്. ഇതില് ഓഹരി ഒന്നിന് 19 രൂപ വീതം ഡിസ്കൗണ്ട് ലഭിയ്ക്കും.
എസ്ബിഐ ക്യാപിറ്റല് മാര്ക്കറ്റ്സ് ലിമിറ്റഡ്, ഇക്വിറസ് ക്യാപിറ്റല് പ്രൈവറ്റ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര് .ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
