ന്യൂഡൽഹി: ഇക്വിറ്റിയും കടവും സംയോജിപ്പിച്ച് 12.5 മില്യൺ ഡോളർ സമാഹരിച്ചതായി അറിയിച്ച് എനർജി സ്റ്റോറേജ് കമ്പനിയായ സിഗ്നി എനർജി പ്രൈവറ്റ് ലിമിറ്റഡ്. ഇക്വിറ്റി ഫണ്ടിംഗിന് നേതൃത്വം നൽകിയത് മെറിഡിയൻ ഗ്ലോബൽ വെഞ്ചേഴ്സും ഡെബ്റ് റൗണ്ടിന് നേതൃത്വം നൽകിയത് ഇന്ത്യൻ ഓവർസീസ് ബാങ്കുമാണെന്ന് കമ്പനി പ്രസ്താവനയിൽ അറിയിച്ചു.
ഉൽപ്പന്ന വികസനം, ബിസിനസ് വളർച്ച, എഞ്ചിനീയറിംഗ് വിഭാഗം ശക്തിപ്പെടുത്തൽ, തെലങ്കാനയിൽ പുതിയ ഗ്രീൻഫീൽഡ് നിർമ്മാണ കേന്ദ്രം സ്ഥാപിക്കൽ എന്നിവയ്ക്കായി കമ്പനി ഫണ്ട് ഉപയോഗിക്കും. സിഗ്നിക്ക് ഐഐടി മദ്രാസുമായി സാങ്കേതിക സഹകരണമുണ്ട്, കൂടാതെ ആപ്ലിക്കേഷൻ-അധിഷ്ഠിത ഡിസൈനുകൾ നൽകുന്നതിന് നിരവധി ഒഇഎമ്മുകൾക്കൊപ്പം കമ്പനി ചേർന്ന് പ്രവർത്തിക്കുന്നു.
ഹൈദരാബാദ് ആസ്ഥാനമായുള്ള കമ്പനി ഇന്ത്യയിലെ ഊർജ്ജ സംഭരണ മേഖലയിലാണ് പ്രവർത്തിക്കുന്നത്. കൂടാതെ തെലങ്കാനയിൽ ഒരു ഗിഗാഫാക്ടറി സ്ഥാപിക്കാൻ കമ്പനിക്ക് പദ്ധതികളുണ്ട്.
നിലവിൽ, ഓരോ മാസവും 10,000 ലി-അയൺ ബാറ്ററി പായ്ക്കുകൾ നിർമ്മിക്കാൻ ശേഷിയുള്ള 250 മെഗാവാട്ട് ഫാക്ടറി കമ്പനി പ്രവർത്തിപ്പിക്കുന്നു. എല്ലാ കേന്ദ്രങ്ങളും പൂർണ്ണമായി പ്രവർത്തനക്ഷമമാകുമ്പോൾ 1.2GWh വാർഷിക ശേഷിയോടെ, പ്രതിമാസം 40,000 ബാറ്ററി പായ്ക്കുകൾ ഉത്പാദിപ്പിക്കാൻ സിഗ്നി എനർജിക്ക് കഴിയും.
