കൊച്ചി: ചെങ്കടലിലെ സംഘർഷം മൂലം ഇന്ത്യയുടെ സാമ്പത്തിക വളർച്ച മുരടിക്കാനും നാണയപ്പെരുപ്പം കുതിക്കാനും ഇടയുണ്ടെന്ന് കേന്ദ്ര സർക്കാർ വ്യക്തമാക്കി.
സുഡാൻ, ഹൂതി തീവ്രവാദ ആക്രമണങ്ങൾ തുടർച്ചയായതോടെ ക്രൂഡോയിൽ വില കുതിച്ചുയരാൻ സാദ്ധ്യതയേറെയാണെന്ന് ധനമന്ത്രാലയം പത്രക്കുറിപ്പിൽ പറഞ്ഞു.
അതിനാൽ വ്യാപാര റൂട്ടുകൾ വൈവിദ്ധ്യവൽക്കരിക്കാൻ സമ്മർദ്ദമേറുകയാണ്. ഇന്ത്യയും യൂറോപ്പുമായുള്ള വ്യാപാരത്തിൽ 80 ശതമാനവും ചെങ്കടൽ വഴിയാണ് നടക്കുന്നത്.
ഇവിടെ ആക്രമണം കൂടിയതോടെ ഇൻഷ്വറൻസ്, ചരക്ക് കൈകാര്യ ചെലവുകൾ എന്നിവ കുതിച്ചുയരുകയാണ്.
ഇന്ത്യയുടെ ആഗോള വിപണിയിലെ മത്സരക്ഷമത കുറയാനും പുതിയ സാഹചര്യം കാരണമാകുമെന്ന് സർക്കാർ പറയുന്നു.
