ന്യൂഡല്ഹി: അനധികൃത ഫോണ് ചോര്ത്തല് കേസില് നാഷണല് സ്റ്റോക്ക് എക്സ്ചേഞ്ച് (എന്എസ്ഇ) മുന് അധ്യക്ഷ ചിത്ര രാമകൃഷ്ണയ്ക്ക് ജാമ്യം. ഡല്ഹി ഹൈക്കോടതിയാണ് ജാമ്യം അനുവദിച്ചത്. ജൂലൈ 14 ന് എന്ഫോഴ്സ്മെന്റ് ഡയറക്ടേറ്റാണ് (ഇഡി) കേസില് ചിത്ര രാമകൃഷ്ണയെ അറസ്റ്റ് ചെയ്തത്.
നേരത്തെ കോ-ലൊക്കേഷന് കേസില് സിബിഐയും ഇവരെ അറസ്റ്റ് ചെയ്തിരുന്നു. കഴിഞ്ഞവര്ഷം സെപ്തംബറില് കോലൊക്കേഷന് കേസില് ജാമ്യം ലഭ്യമായി. ഫോണ് ചോര്ത്തല് കേസില് ചിത്ര രാമകൃഷ്ണയ്്ക്കെതിരെ വഞ്ചനാരോപണമാണ് നിലനില്ക്കുന്നത്.
2009 മുതല് 2017 വരെയുള്ള കാലയളവില് മുന് എന്എസ്ഇ സിഇഒ രവി നരേനും എക്സിക്യൂട്ടീവ് വൈസ് പ്രസിഡന്റ് രവി വാരണാസിയ്ക്കും ഹെഡ് (പരിസരം) മഹേഷ് ഹല്ദിപൂരിനും ഒപ്പം ചേര്ന്ന് ചിത്ര രാമകൃഷ്ണ എന്എസ്ഇ ജീവനക്കാരുടെ ഫോണ് ചേര്ത്തിയെന്നാണ് ഇഡി ആരോപിക്കുന്നത്. കൂടാതെ, സൈബര് കേടുപാടുകളെക്കുറിച്ച് അന്വേഷണം നടത്താനെന്ന പേരില് ജീവനക്കാരുടെ ഫോണ് കോളുകള് തടസ്സപ്പെടുത്തി.
