ഏപ്രിൽ ഒന്നു മുതൽ പുതിയ ടിഡിഎസ് നിയമങ്ങൾ പ്രാബല്യത്തിൽ വരും. നിക്ഷേപകർക്കും മുതിർന്ന പൗരന്മാർക്കും എങ്ങനെ പ്രയോജനം ലഭിക്കും? 2025 ലെ ബജറ്റിൽ പ്രഖ്യാപിച്ച പുതിയ ടിഡിഎസ് നിയമങ്ങൾ 2025 ഏപ്രിൽ 1 മുതൽ പ്രാബല്യത്തിൽ വരും. നിക്ഷേപകർക്കും മുതിർന്ന പൗരന്മാർക്കും ആശ്വാസകരാകുന്ന പ്രഖ്യാപനമാണ് ഇത്.
മ്യൂച്വൽ ഫണ്ടിനും സ്റ്റോക്ക് നിക്ഷേപകർക്കും ടിഡിഎസ് ഇളവ്
ഡിവിഡൻ്റ് വരുമാനത്തിനും മ്യൂച്വൽ ഫണ്ട് (എംഎഫ്) വരുമാനത്തിനുമുള്ള ടിഡിഎസ് ഇളവ് പരിധി ഉയരും. 2025 ഏപ്രിൽ ഒ മുതൽ, ഒരു സാമ്പത്തിക വർഷത്തിൽ മൊത്തം ഡിവിഡന്റ് വരുമാനമോ എംഎഫ് വരുമാനമോ 10,000 കവിയുകയാണെങ്കിൽ മാത്രമേ ടിഡിഎസ് കുറയ്ക്കൂ.
മുമ്പ് ഇളവിൻ്റെ പരിധി 5,000 രൂപ ആയിരുന്നു. ഈ നീക്കം നിക്ഷേപകർക്ക് അവരുടെ വരുമാനത്തിൽ കൂടുതൽ നിലനിർത്താൻ അനുവദിക്കുന്നു.
മുതിർന്ന പൗരന്മാർക്കും മികച്ച ടിഡിഎസ് ഇളവ് ലഭിക്കും. സ്ഥിര നിക്ഷേപങ്ങളിൽ നിന്നും റെകക്റിങ് നിക്ഷേപങ്ങളിൽ നിന്നുമുള്ള പലിശ വരുമാനത്തിന് മുതിർന്ന പൗരന്മാർക്ക് ഉയർന്ന ഇളവ് ലഭിക്കും.
ഒരു സാമ്പത്തിക വർഷത്തിൽ ടിഡിഎസ് ഈടാക്കുന്നതിനുള്ള പരിധി 50,000 രൂപയിൽ നിന്ന് ഒരു ലക്ഷമായി ഉയർത്തി. ഇത് ഇരട്ടിയാക്കി. അതായത്, മൊത്തം പലിശ വരുമാനം ഒരു ലക്ഷം കവിഞ്ഞാൽ മാത്രമേ ബാങ്കുകൾ ടിഡിഎസ് കുറയ്ക്കൂ, ഇത് മുതിർന്ന പൗരൻമാരുടെയും വിരമിച്ചവരുടെയുമൊക്കെ നികുതി ഭാരം കുറയ്ക്കും.
സാധാരണ നിക്ഷേപത്തിനുള്ള ടിഡിഎസ് ഇളവ് ഉയർന്നു
മറ്റ് നിക്ഷേപകർക്കും ടിഡിഎസ് ഇളവിൻ്റെ പരിധി ഉയർത്തി. 60 വയസ്സിന് താഴെയുള്ള വ്യക്തികൾക്ക് എഫ്ഡി-കളിൽ നിന്നും റെക്കറിങ് ഡെപ്പോസിറ്റുകളിൽ നിന്നുമുള്ള പലിശ വരുമാനത്തിന് ടിഡിഎസ് ഈടാക്കുന്നതിനുള്ള പരിധി 40,000 രൂപൽ നിന്ന് 50,000 രൂപ ആയി ഉയർന്നു.
പലിശ വരുമാനം ഈ പരിധി കവിഞ്ഞാൽ മാത്രമേ ബാങ്കുകൾ ടിഡിഎസ് കുറയ്ക്കൂ, ഇത് ചെറുകിട, ഇടത്തരം നിക്ഷേപകർക്ക് ആശ്വാസം നൽകും.
ഇൻഷുറൻസ് ഏജന്റുമാർക്കും ബ്രോക്കർമാർക്കും ഉയർന്ന ടിഡിഎസ് ഇളവ് ലഭിക്കും.കമ്മീഷനുകൾക്ക് ടിഡിഎസ് ഈടാക്കുന്നതിനുള്ള പരിധി ഉയർത്തി. ഇളവ് ഇൻഷുറൻസ് ഏജന്റുമാർക്കും ബ്രോക്കർമാർക്കും പ്രയോജനപ്പെടും.
സാമ്പത്തിക വർഷത്തിൽ പരിധി 15,000 രൂപൽ നിന്ന് 20,000 രൂപ ആയി ഉയർത്തി.
