മുംബൈ: ആൽക്കോ-പാനീയ ശൃംഖലയായ ബിയർ കഫേ ഏറ്റെടുക്കാൻ ഒരുങ്ങി ബിരാ 91. ഈ നീക്കത്തിലൂടെ പബ്, ടാപ്പ് റൂം വിഭാഗത്തിലെ അവരുടെ സാന്നിധ്യം ശക്തിപ്പെടുത്താൻ കമ്പനി പദ്ധതിയിടുന്നു. തങ്ങൾക്ക് നിലവിൽ ടയർ 1/2/3 മാർക്കറ്റുകളിലെ 15 നഗരങ്ങളിലായി 33 ഔട്ട്‌ലെറ്റുകൾ ഉണ്ടെന്ന് പബ് ശൃംഖല അവകാശപ്പെടുന്നു.
2012 ഏപ്രിലിൽ പ്രവർത്തനം ആരംഭിച്ച രാജ്യത്തെ മികച്ച ആൽക്കോ-ബിവറേജ് ബ്രാൻഡാണ് ബിയർ കഫേ. ഇത് ആഗോളതലത്തിൽ ദശലക്ഷക്കണക്കിന് ഉപഭോക്താക്കൾക്ക് സേവനം നൽകുന്നു. ഈ ഏറ്റെടുക്കൽ ഉപഭോക്തൃ അനുഭവം മെച്ചപ്പെടുത്താനും ബ്രാൻഡിനെ പുതിയ ഉയരങ്ങളിലേക്ക് കൊണ്ടുപോകാനും സഹായിക്കുമെന്ന് ബിരാ 91 അറിയിച്ചു.
അതേസമയം ഇന്ത്യയിലെ ജനപ്രിയ ബിയർ ബ്രാൻഡുകളിലൊന്നായ ബിര 91 ന് 15 രാജ്യങ്ങളിലെ 500 പട്ടണങ്ങളിൽ പ്രവർത്തന സാന്നിധ്യമുണ്ട്.
