കൊച്ചി: എസ്ബിഐ ഭീം എസ്ബിഐപേയിലൂടെ വിദേശ പണമിടപാട് സൗകര്യം ലഭ്യമാക്കി. യുപിഐയും സിംഗപ്പൂരിന്റെ ഓണ്ലൈന് പണമിടപാട് സംവിധാനമായ പേനൗവും ചേര്ന്നാണ് ഇത് സാധ്യമാക്കുന്നത്.
എസ്ബിഐയുടെ ഭീം എസ്ബിഐ പേ മൊബൈല് ആപ്ലിക്കേഷനിലൂടെയാണ് ഇത് ലഭ്യമാക്കുന്നത്.
ഇതില് രജിസ്റ്റര് ചെയ്തിട്ടുള്ള മൊബൈല് നമ്പറിലൂടെ ഇന്ത്യയില് നിന്ന് സിംഗപ്പൂരിലേക്കും യുപിഐ ഐഡി ഉപയോഗിച്ച് സിംഗപ്പൂരില് നിന്ന് ഇന്ത്യയിലേക്കും പണം അയയ്ക്കാന് കഴിയും.
ഇന്ത്യയും സിംഗപ്പൂരും തമ്മിലുള്ള പണമിടപാടുകള്ക്കായി അടിസ്ഥാന സൗകര്യം വികസിപ്പിക്കുന്നതിലുള്ള സുപ്രധാന നാഴികക്കല്ലാണ് ഈ യുപിഐ, പേനൗ ലിങ്കേജ്.
ഈ സംവിധാനം സര്ക്കാരിന്റെ ഡിജിറ്റൈസേഷന് നടപടികള് ശക്തിപ്പെടുത്താന് സഹായിക്കുമെന്ന് എസ്ബിഐ ചെയര്മാന് ദിനേഷ് ഖാര പറഞ്ഞു.
