കൊച്ചി: വ്യവസായങ്ങളെയും സമൂഹങ്ങളെയും പുനഃ നിർമിക്കുന്നതിനും പരിസ്ഥിതിയെ വീണ്ടെടുക്കുന്നതിനും സഹായകരമായ വിദ്യാർത്ഥി സമൂഹത്തെയാണ് നാം ഇപ്പോൾ സൃഷ്ടിക്കുന്നതെന്ന് അനന്ത് ദേശീയ സർവകലാശാല പ്രസിഡന്റ് അജയ് പിരമൽ പറഞ്ഞു. സർവകലാശാലയിലെ ബിരുദ ദാന ചടങ്ങിൽ പ്രസംഗിക്കുകയായിരുന്നു അദ്ദേഹം. പത്മശ്രീ പുരസ്കാര ജേതാവും ശാസ്ത്രജ്ഞനും സോഹോ കോർപ്പറേഷൻ സഹ സ്ഥാപകനുമായ ഡോ. ശ്രീധർ വെമ്പു മുഖ്യാതിഥിയായി. രാജ്യത്തിന് അടിയന്തരമായി ആവശ്യമുള്ള നൂതനാശയങ്ങളും ശ്രദ്ധേയമായ പ്രവർത്തനങ്ങളും കാംപസിൽ കാണാനായതായി ഡോ. ശ്രീധർ വെമ്പു തന്റെ ബിരുദ ദാന പ്രസംഗത്തിൽ പറഞ്ഞു. ഏതാനും പതിറ്റാണ്ടുകൾക്കുള്ളിൽ രാജ്യം വികസിത ഭാരതം എന്ന ലക്ഷ്യം കൈവരിക്കുമ്പോൾ ഇന്നത്തെ വിദ്യാർഥികൾ ആ ഇന്ത്യയുടെ സൃഷ്ടാക്കളായി മാറുമെന്ന് ഡോ. സഞ്ജീവ് വിദ്യാർത്ഥി പറഞ്ഞു.
