കൊച്ചി: ക്രിസ്മസ്, പുതുവത്സര ആഘോഷങ്ങൾക്കായി ഫെസ്റ്റീവ് ഡെക്കർ, ഗിഫ്റ്റിംഗ് ഉത്പന്നങ്ങൾ, ഹോം ആക്സസറികൾ എന്നിവ വളരെ കുറഞ്ഞ വിലയിൽ അവതരിപ്പിച്ച് ആമസോൺ ബസാർ. ആമസോൺ ബസാർ, 200 രൂപയിൽ താഴെ വിലയുള്ള ഫെസ്റ്റീവ് ഉത്പന്നങ്ങൾ വാഗ്ദാനം ചെയ്യുന്നു. ഈ സീസണിൽ ഏറ്റവും കൂടുതൽ ശ്രദ്ധ നേടുന്ന ഉത്പന്നങ്ങളിൽ ഒന്നാണ് 188 രൂപ വിലയുള്ള ക്രിസ്മസ് തീമിലുള്ള സെറാമിക് കോഫി മഗ്. സീക്രട്ട് സാന്റ സമ്മാനങ്ങൾക്കും ദൈനംദിന ഉപയോഗത്തിനും ഇത് ഏറെ പ്രിയങ്കരമായിട്ടുണ്ട്. അലങ്കാര ലൈറ്റിംഗും ഉപഭോക്താക്കളുടെ പ്രധാന തിരഞ്ഞെടുപ്പായി തുടരുന്നു. 170 രൂപ വിലയുള്ള ബീച്ച് തീം പർൾ ഷെൽ ലാംപും 159 രൂപ വിലയുള്ള എൽഇഡി സ്നോഫ്ലേക്ക് ഫെറി സ്ട്രിംഗ് ലൈറ്റുകളും ഏറെ ആവശ്യക്കാരുളളതാണ്. ചെറുതായ ഇടങ്ങൾക്ക് അനുയോജ്യമായ 147 രൂപ വിലയുള്ള എൽ ഇ ഡി ലൈറ്റുകളോടുകൂടിയ മിനി ടേബിൾടോപ്പ് ക്രിസ്മസ് ട്രീയും ഏറെ സ്വീകാര്യത നേടുന്നുണ്ട്. 199 രൂപ വിലയുള്ള ‘മെറി ക്രിസ്മസ്’ വുഡൻ ടീ കോസ്റ്ററുകൾ ഹോസ്റ്റിംഗിനും ഗിഫ്റ്റിംഗിനുമായി ഉപഭോക്താക്കൾ കൂടുതലായി തിരഞ്ഞെടുക്കുന്നു.
