കൊച്ചി: സംഖ്യ ശാസ്ത്രത്തിൽ സ്കൂൾ വിദ്യാർത്ഥികൾക്കായി സംഘടിപ്പിച്ച പതിനെട്ടാമത് എസ്എംഎ അബാക്കസ് ദേശീയ ചാമ്പ്യൻഷിപ്പിൽ ശ്രീഹരി ജെ നായർ ദേശീയ ചാമ്പ്യനായി. അഭിനവ് പി സുധീഷ്, രാഹുൽ എസ് എന്നിവർ യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി. എട്ടാം ലെവൽ എഴുത്ത് പരീക്ഷയിൽ താഴെ പറയുന്നവർ ജേതാക്കളായി.
ജൂനിയർ വിഭാഗം ചാമ്പ്യൻ-ലക്ഷ്മി ആർ ബാലിഗ (ചവറ ദർശൻ സിഎംഐ പബ്ലിക് സ്കൂൾ, എറണാകുളം). ഫസ്റ്റ് റണ്ണർ അപ്പ്-മുഹമ്മദ് റൈഹാൻ (വിമല പബ്ലിക് സ്കൂൾ, തൊടുപുഴ). രണ്ടാം റണ്ണർ അപ്പ്- ഹൃദു ഷാം എ (പ്രസെൻ്റ് തോമസ് പബ്ലിക് സ്കൂൾ നരിക്കൽ,ചന്തവിള, കഴക്കൂട്ടം). സീനിയർ വിഭാഗംചാമ്പ്യൻ ശ്രീഹരി ജെ നായർ (ജ്യോതിനിവാസ് സീനിയർ സെക്കൻഡറി സ്കൂൾ യു സി കോളേജ്, ആലുവ), ഫസ്റ്റ് റണ്ണർ അപ്പ് അർഘ്യ വി സുനിൽ (വിശ്വ ഭാരതി പബ്ലിക് സ്കൂൾ നെയ്യാറ്റിൻകര ടിവിഎം), മൂന്നാം റണ്ണർ അപ്പ് അഭിനവ് എൻ എസ് (കേന്ദ്രീയ വിദ്യാലയം, പോർട്ട് ട്രസ്റ്റ്, എറണാകുളം).
എറണാകുളം സെൻറ് തെരേസാസ് കോളേജിൽ നടന്ന മേളയുടെ ഉദ്ഘാടനം ഐഎസ്ആർഒ മുൻ ചെയർമാൻ ഡോ. എസ് സോമനാഥ് ഓൺലൈനായി നിർവഹിച്ചു. സിബിഎസ്ഇ അസോസിയേഷൻ പ്രസിഡന്റ് ടിപിഎം ഇബ്രാഹിം ഖാൻ അധ്യക്ഷനായിരുന്നു. കുസാറ്റ് ഗണിത വിഭാഗം മുൻ പ്രൊഫസർ ഡോ. അമ്പാട്ട് വിജയകുമാർ മുഖ്യ പ്രഭാഷണം നടത്തി. രാജ്യത്തിൻറെ വിധവാങ്ങളിൽ നിന്നുള്ള 3000-ൽ ഏറെ വിദ്യാർത്ഥികൾ പങ്കെടുത്ത മത്സരങ്ങൾക്ക് എസ് എം എ അബാക്കസ് ചെയർമാൻ സുരേഷ് ബാബു, മേഘന സുരേഷ് എന്നിവർ നേതൃത്വം നൽകി.
