കൊച്ചി: ഇന്ത്യന് കമ്പനികളില് 96 ശതമാനവും 2024-ല് സാമ്പത്തിക രംഗത്തെ പ്രൊഫഷണലുകളെ റിക്രൂട്ടു ചെയ്യാന് പദ്ധതിയിടുന്നതായി അസോസിയേഷന് ഓഫ് ചാര്ട്ടേഡ് സര്ട്ടിഫൈഡ് അക്കൗണ്ടന്റ്സ് (എസിസിഎ) നടത്തിയ സര്വേ ചൂണ്ടിക്കാട്ടുന്നു.
കഴിവുള്ള സാമ്പത്തിക പ്രൊഫഷണലുകളുടെ നിയമനത്തിന്റെ കാര്യത്തില് ബുദ്ധിമുട്ടുകള് അനുഭവപ്പെടുന്നതായാണ് 80 ശതമാനത്തോളം ഇന്ത്യന് തൊഴില്ദാതാക്കളും ചൂണ്ടിക്കാട്ടിയത്.
അക്കൗണ്ടന്സി, ഫിനാന്സ് രംഗങ്ങളില് ആഗോള നിലവാരത്തിലുള്ള പ്രൊഫഷണല് യോഗ്യതകള് നേടാനുള്ള സംവിധാനമൊരുക്കാന് എസിസിഎ ശ്രമിക്കുന്നുണ്ട്. അക്കൗണ്ടന്റുമാര്ക്കും ഈ രംഗത്തേക്കു കടന്നു വരാന് ആഗ്രഹിക്കുന്നവര്ക്കും എണ്ണമറ്റ അവസരങ്ങളാണ് ഇന്ത്യന് സമ്പദ്ഘടനയുടെ വളര്ച്ചയ്ക്ക് ഒപ്പം ലഭിക്കുന്നതെന്ന് എസിസിഎ ഇന്ത്യ ഡയറക്ടര് സജിദ് ഖാന് പറഞ്ഞു.
