ഗുരുഗ്രാം: ഫുഡ് ഡെലിവറി പ്ലാറ്റ്‌ഫോമായ സൊമാറ്റോയുടേയും അതിവേഗ വാണിജ്യ സ്ഥാപനമായ ബ്ലിങ്കറ്റിന്റേയും പാരന്റിംഗ് കമ്പനി എറ്റേര്‍ണല്‍ ലിമിറ്റഡ് ഒന്നാംപാദ ഫലങ്ങള്‍ പ്രഖ്യാപിച്ചു. നികുതി കഴിച്ചുള്ള ലാഭം 90 ശതമാനം ഇടിഞ്ഞ് 25 കോടി രൂപയിലേയ്ക്ക് ചുരുങ്ങുന്നതിനാണ് ഒന്നാംപാദം സാക്ഷിയായത്.
അതേസമയം ക്വിക്ക് കൊമേഴ്‌സ് സ്ഥാപനമായ ബ്ലിങ്കിറ്റിന്റെ ഓര്‍ഡറിലുണ്ടായ കുതിച്ചുചാട്ടം കമ്പനിയുടെ ഓഹരിയെ ഉയര്‍ത്തി. 7.5 ശതമാനമമുയര്‍ന്ന് 277 രൂപയിലാണ് സ്റ്റോക്കുള്ളത്. ഫെബ്രുവരി 3 ന് ശേഷമുള്ള ഉയര്‍ന്ന വില.
പ്രവര്‍ത്തന വരുമാനം വാര്‍ഷികാടിസ്ഥാനത്തില്‍ 70.4 ശതമാനമുയര്‍ത്തി 7167 കോടി രൂപയാക്കാന്‍ കമ്പനിയ്ക്ക് സാധിച്ചിട്ടുണ്ട്. അതേസമയം ചെലവ് 4203 കോടി രൂപയില്‍ നിന്നും 7433 കോടി രൂപയായി ഉയര്‍ന്നു.
ബ്ലിങ്കിറ്റിന്റെ വരുമാനം 155 ശതമാനമുയര്‍ന്ന് 2400 കോടി രൂപയായി.
