മുംബൈ: വൈറ്റ്ഓക്ക് ക്യാപിറ്റൽ ലാർജ് ക്യാപ് ഫണ്ട് അവതരിപ്പിച്ച് വൈറ്റ്ഓക്ക് ക്യാപിറ്റൽ മ്യൂച്വൽ ഫണ്ട്. പുതിയ ഫണ്ട് ഓഫർ (എൻഎഫ്ഒ) 2022 നവംബർ 10 മുതൽ നവംബർ 24 വരെ സബ്സ്ക്രിപ്ഷനായി തുറന്നിരിക്കും.
ഇത് പ്രധാനമായും വലിയ ക്യാപ് സ്റ്റോക്കുകളിൽ നിക്ഷേപിക്കുന്ന ഒരു ഓപ്പൺ-എൻഡ് ഇക്വിറ്റി സ്കീമാണ്. ഇതിന്റെ വിഹിതത്തിന്റെ ഏതാണ്ട് 80 ശതമാനവും ലാർജ് ക്യാപിറ്റൽ സ്റ്റോക്കുകളിൽ ആയിരിക്കും നിക്ഷേപിക്കുക. ഈ ഫണ്ട് ബിഎസ്ഇ 100 ടിആർഐയെ മാനദണ്ഡമായി എടുക്കും.
രമേഷ് മന്ത്രി, പിയൂഷ് ബരൻവാൾ, തൃപ്തി അഗർവാൾ, ഷാരിഖ് മർച്ചന്റ് എന്നിവരായിരിക്കും വൈറ്റ്ഓക്ക് ക്യാപിറ്റൽ ലാർജ് ക്യാപ് ഫണ്ടിന്റെ ഫണ്ട് മാനേജർമാർ. വൈറ്റ്ഓക്ക് ക്യാപിറ്റൽ അതിന്റെ മുൻ ഫണ്ടുകളായ ഫ്ലെക്സി ക്യാപ്, മിഡ് ക്യാപ്, ടാക്സ് സേവർ ഇഎൽഎസ്എസ് എന്നിവയുടെ വിജയകരമായ സമാരംഭത്തിന് ശേഷമാണ് ഇപ്പോൾ ഈ ലാർജ് ക്യാപ് ഫണ്ട് പുറത്തിറക്കിയത്.
