2026-27 സാമ്പത്തിക വർഷത്തേക്കുള്ള വാർഷിക ബജറ്റ് അവതരണം പാർലമെന്റിൽ പൂർത്തിയാക്കി ധനമന്ത്രി നിർമല സീതാരാമൻ. 2026-27 സാമ്പത്തിക വർഷത്തിൽ ധനക്കമ്മി ജിഡിപിയുടെ 4.3 ശതമാനമായി കുറയ്ക്കാൻ ലക്ഷ്യമിടുന്നതായി ധനമന്ത്രി പ്രഖ്യാപിച്ചു. ബജറ്റിൽ, നികുതി മേഖലയിലെ പരിഷ്കാരങ്ങൾ സംബന്ധിച്ചുള്ള പ്രഖ്യാപനങ്ങൾ ശ്രദ്ധേയമായി.
2025-ലെ പുതിയ ആദായനികുതി നിയമം 2026 ഏപ്രിൽ 1 മുതൽ നിലവിൽ വരും. ലളിതമായ നിയമങ്ങളും പുതിയ രീതിയിലുള്ള ഐടിആർ ഫോമുകളും ഇതിന്റെ ഭാഗമായി വരും. ബ്ലൂചിപ്പ് കമ്പനികളുടെ ഓഹരികൾ കമ്പനി തിരിച്ചുവാങ്ങുമ്പോൾ നിക്ഷേപകർക്ക് ലഭിക്കുന്ന തുക ഇനി മുതൽ ക്യാപിറ്റൽ ഗെയിൻ ടാക്സിനു വിധേയമായിരിക്കും. കമ്മോഡിറ്റി ഫ്യൂച്ചറുകളുടെ സെക്യൂരിറ്റീസ് ട്രാൻസാക്ഷൻ ടാക്സ് 0.02%-ൽ നിന്ന് 0.05% ആയി വർദ്ധിപ്പിച്ചു. മിനിമം ആൾട്ടർനേറ്റ് ടാക്സ് 15 ശതമാനത്തിൽ നിന്ന് 14 ശതമാനമായി കുറച്ചു.
