ന്യൂഡല്‍ഹി: ഡോളറിനെതിരെ വീണ്ടും രൂപയുടെ മൂല്യം കുറഞ്ഞു. ഇന്ന് മൂല്യത്തിൽ ഒരു പൈസയാണ് കുറഞ്ഞത്. ഇതോടെ 84 രൂപ 38 എന്ന റെക്കോര്‍ഡ് ഇടിവാണ് രൂപയിലുണ്ടായിരിക്കുന്നത്.
ഒരു ഡോളര്‍ വാങ്ങാന്‍ 84 രൂപ 38 പൈസ നൽകണം. ഡോളറിന്റെ മൂല്യം കൂടുന്നത് രൂപയുടെ മൂല്യം ഇനിയും കുറയാനാണ് സാധ്യതയെന്നാണ് വിപണി വിദഗ്ധര്‍ മുന്നറിയിപ്പ് നല്‍കുന്നത്.
വെള്ളിയാഴ്ച അഞ്ചുപൈസ കുറഞ്ഞതോടെ 84.37 എന്ന സര്‍വ്വകാല റെക്കോര്‍ഡ് ഇടിവ് രേഖപ്പെടുത്തിയാണ് വ്യാപാരം അവസാനിച്ചത്. പിന്നീട് ഇന്നും മൂല്യം കുറയുകയായിരുന്നു.
കഴിഞ്ഞ മാസം മാത്രമായി 1200 കോടി ഡോളറാണ് ഇന്ത്യന്‍ ഓഹരി വിപണിയില്‍ നിന്ന് വിദേശ നിക്ഷേപകര്‍ പിന്‍വലിച്ചത്. ഇതും രൂപയുടെ മൂല്യം ഇടിയാൻ കാരണമാണ്.
