കേന്ദ്ര ബജറ്റിൽ ധനമന്ത്രി നികുതി ഇളവ് പരിഗണിച്ചേക്കുമെന്ന് റിപ്പോർട്ട്ഇന്ത്യ മൂന്നാമത്തെ വലിയ ആഭ്യന്തര എയര്‍ലൈന്‍ വിപണിബജറ്റിൽ ഇടത്തരക്കാർക്ക് ആശ്വാസത്തിൻ്റെ സൂചനകൾകൊല്ലം തീരത്തെ ഇന്ധന പര്യവേക്ഷണം ഡ്രില്ലിങ് ഘട്ടത്തിലേക്ക്വ​ധ​വ​നി​ൽ പുതിയ തുറമുഖത്തിന് കേന്ദ്രമന്ത്രിസഭയുടെ അംഗീകാരം

കാശ്മീരി കുങ്കുമപ്പൂവ് 60 രാജ്യങ്ങളിലേക്ക് കൂടി എത്തിക്കാൻ കേന്ദ്ര സര്‍ക്കാര്‍

ഡല്‍ഹി: കാശ്മീരിന്റെ സ്വന്തം കുങ്കുമപ്പൂവ് കൂടുതല്‍ രാജ്യങ്ങളിലേക്ക് ഉടന്‍ കയറ്റുമതി ചെയ്യും. കാശ്മീരിലെ പുതിയ കയറ്റുമതി നയത്തിന്റെ അടിസ്ഥാനത്തിലാണ് കൂടുതല്‍ രാജ്യങ്ങളിലേക്ക് കാശ്മീരി കുങ്കുമപ്പൂവ് എത്തിക്കുന്നത്.

റിപ്പോര്‍ട്ടുകള്‍ പ്രകാരം, പുതുതായി 60 രാജ്യങ്ങളിലേക്കാണ് കാശ്മീരി കുങ്കുമപ്പൂവ് എത്തുക. കയറ്റുമതി ആരംഭിക്കുന്നതിനാല്‍ കുങ്കുമപ്പൂവിന്റെ ഉല്‍പ്പാദനം വര്‍ദ്ധിപ്പിക്കാനാകും.

ഒക്ടോബറില്‍ പുതിയ കയറ്റുമതി നയം പ്രാബല്യത്തില്‍ വരുന്നതോടെ ഈ 60 രാജ്യങ്ങളിലേക്കും കാശ്മീരി കുങ്കുമപ്പൂവ് എത്തും. കാശ്മീരി കുങ്കുമപ്പൂവിന് ആവശ്യക്കാര്‍ കൂടുതലുള്ള 60 രാജ്യങ്ങളെ സര്‍ക്കാര്‍ ചുരുക്കപ്പട്ടികയില്‍ ഉള്‍പ്പെടുത്തിയിട്ടുണ്ട്.

കയറ്റുമതിയില്‍ കൂടുതല്‍ ശ്രദ്ധ കേന്ദ്രീകരിക്കുക എന്നതാണ് സര്‍ക്കാരിന്റെ ലക്ഷ്യം. ഇതോടെ, ആഗോളതലത്തില്‍ വന്‍ തോതില്‍ കുങ്കുമപ്പൂവ് വിറ്റഴിക്കാന്‍ സാധിക്കുന്നതാണ്.

സമുദ്രനിരപ്പില്‍ നിന്ന് 1,600 മീറ്റര്‍ മുതല്‍ 1,800 മീറ്റര്‍ വരെ ഉയരത്തിലാണ് കാശ്മീരി കുങ്കുമപ്പൂവ് കൃഷി ചെയ്യുന്നത്. മറ്റു രാജ്യങ്ങളില്‍ കൃഷി ചെയ്യുന്ന കുങ്കുമപ്പൂവിനെ അപേക്ഷിച്ച് രുചിയിലും നിറത്തിലും കാശ്മീരി കുങ്കുമപ്പൂവ് വ്യത്യസ്ഥമാണ്.

നിലവില്‍, ജമ്മുകാശ്മീരിലെ പാംപോര്‍, ബുദ്ഗാം, ശ്രീനഗര്‍, കിഷ്ത്വാര്‍ എന്നിവിടങ്ങളിലാണ് കുങ്കുമപ്പൂവ് പ്രധാനമായും കൃഷി ചെയ്യുന്നത്.

X
Top